ننفرد بنشر نص تحقيقات قضية "التحرش اللفظى" بميدان الأوبرا..النيابة:المتهم قال للمجنى عليها "إيه العسل ده" أثناء توزيعها بوسترات فى وقفة ضد التحرش..وصديق المتهم: كان بيقولى أنا الكلام وهى افتكرته عليها

ينفرد "اليوم السابع" بنشر النص الكامل للتحقيقات التى أجرتها النيابة العامة فى القضية المتهم فيها صاحب محل ملابس، لاتهامه بالتحرش لفظياً بفتاة أثناء توزيعها بوسترات فى وقفة ضد التحرش بميدان الأوبرا، وقال لها "إيه العسل ده"، وأحيل المتهم للمحاكمة الجنائية والمقرر أن يصدر فيها الحكم بجلسة الغد.
البداية كانت بتحرير محضر رسمى يوم 15/6/2014 الساعة 1م سراى النيابة من معتز زكريا وكيل النائب العام، حيث بدأ التحقيق أثناء تواجدنا بسراى النيابة، حيث انتدبنا الأستاذ رئيس النيابة بالتحقيق فى المحضر جنح قصر النيل، والمحرر بمعرفة النقيب مصطفى بركات بتاريخ 14/6/2014 الساعة 6٫15م، الذى أثبت فيه أنه أثناء تواجده بميدان الجزيرة دائرة القسم لتأمينه الوقفة الاحتجاجية الخاصة بالتحرش دائرة القسم، والمصرح بها قانوننا، وأن حصل القائمون عليها بتصريح سابق بذلك، وأثناء ذلك شاهدوا إحدى الفتيات تقوم بالطرق على زجاج إحدى سيارات المارة بالطريق العام، وتبين أن السيارة تحمل رقم ن ع م 2475، حيث أفادت بقيام قائد السيارة بمعاكستها قائلا لها "إيه العسل ده" أثناء قيامهم بتوزيع الأدوار الخاصة بالواقفة «لا للتحرش»، ليتم ضبط قائد السيارة وتحرير محضر بمعرفة النقيب مصطفى بركات رئيس العمليات.
وبسؤال المجنى عليها قررت أنها كانت مشاركة فى وقفة احتجاجية خاصة بالتحرش، وكانت توزع بعض البوسترات الخاصة فى السيارات المارة بالشارع، وأثناء ذلك فوجئت بقائد هذه السيارة يتحرش بها لفظيا قائلا «إيه العسل ده »، فقامت بالطرق على زجاج السيارة الخاصة به فحاول الهرب لكن الناس والشرطة قامت بضبطه.
وذكرت النيابة: "هذا وبمناسبة تواجده أمامنا قمنا بمناظرة المتهم رجل فى العقد الرابع من العمر متوسط البنية قصير القامة أسمر البشرة ذو شعر أسود وأصلع من الأمام ولحية وشارب خفيفتان ويرتدى "تى شرت" به إعلان الأفرنجية أزرق اللون بنصف كم وبنطال جنزارى أزرق اللون به عدد أربع جيوب ويرتدى حذاء بنى شمواه، ولم نلحظ به ثمة إصابات ظاهرة، وبمناسبة تواجده أمامنا شرعنا فى استجوابه بالآتى".
فأجاب المتهم:
اسمى/ أحمد إبراهيم محمد عطية
السن/30 سنة
واعمل/ مدير معرض ملابس
مقيم/ 9شارع الملك فيصل - فيصل
رخصة قيادة رقم 1673729 مرور الدقى
س/ ما قولك فيما هو منسوب إليك من أنك متهم بالتعرض للمجنى عليها يسرا أحمد فى مكان عام بالقول على النحو المبين بالأوراق؟
ج: محصلش.
س: ما الذى حدث، اذكر ما هى ظروف ضبطك وإحضارك؟
ج: اللى حصل أنا كنت نازل القاهرة وأنا سايق عربيتى لقيت فتاة بتخبط على زجاج السيارة فنزلت أشوف هى بتخبط ليه لقيت ناس كتير فى مظاهرة لا للتحرش وهى كانت واحدة من بينهم وهى قالت إن أنا قلت لها يا عسل ولقيت الناس إتلمت عليا وبعد كده خدونى لجنينة، ولقيت بها الشرطة، وبعد كده جاء الضابط وخد البطاقة بتاعتى، بعد كده أخدنى على القسم وعملى محضر وبعد كده جيت النهارده على النيابة.
س: متى وأين حدث ذلك؟.
ج: الكلام ده حصل إمبارح حوالى الساعة 5٫30 م أمام نادى القاهرة قبل كوبرى قصر النيل.
س: ومن كان معاك آنذاك؟.
ج: كان معايا واحد صاحبى فى العربية.
س: ما مناسبة تواجدك بالمكان والزمان سالف الذكر؟.
ج: أنا كنت خارج من نادى القاهرة أنا وصاحبى ومروحين.
س: هل يوجد ثمة علاقة أو خلافات بينك والمدعوة يسرا سيد؟
ج: لأ أنا معرفهاش قبل كده أول مرة أشوفها إمبارح ومفش خلافات.
س: ما تعليلك لما قرره النقيب مصطفى بركات بمحضر المؤرخ 14/6/2014 أثناء تواجده بميدان الجزيرة لتأمين الوقفة الاحتجاجية بالتحرش والمصرح بها قانونا وأثناء مشاهدة المدعوة يسرا سيد أحمد تقوم بالطرق على باب سيارتك، حيث أفادتنا بمعاكستها قائلا أيه العسل ده حال وجودها بوقفة لا للتحرش؟.
ج: الكلام ده محصلش.
س: ما تعليقك لما قررته المدعوة "يسرا س" من أنها كانت تشارك بالوقفة الاحتجاجية الخاصة لا للتحرش، وأثناء توزيعها بالأوراق الخاصة بالحملة على سيارتك فوجئت بالتحرش بها لفظياً قائلا إيه يا عسل بعد كده قامت بالطرق على السيارة الخاصة بك، فقمت أنت بمحاولة الهرب، ولكن الأهالى والشرطة قاموا بضبطك؟.
ج: محصلش.
س: دار ثمة حوار بينك وبين المدعوة يسرا سيد أحمد؟.
ج: لأ وأنا معرفش هى خبطت على الزجاج ليه.
س: هل يوجد لديك ثمة سوابق من قبل؟.
ج: لأ.
س: أنت متهم بالتعرض للمجنى عليها يسرا سيد أحمد لفظيا عام بالقول على النحو المبين بالأوراق؟.
ج: محصلش.
س: هل لديك أقوال أخرى؟.
ج: لأ. تمت أقواله ووقع.
ملحوظة: الحاضرون مع المتهم المحامى وليد فؤاد وآخر طلبوا إخلاء سبيل المتهم بضمان تراه النيابة العامة، وذلك لانتفاء سبب الحبس الاحتياطى، وحيث إن للمتهم محل إقامة دائم ومعلوم داخل جمهورية مصر العربية ولا يخشى عليه من الهروب أو التأثير على أى من شهود الواقعة ودفع بانتفاء أقوال جريمة التحرش اللفظى بركنها المادى و المعنوى، كما دفع بعدم معقولية وتصور حدوث الواقعة على النحو المبين بالأوراق، كما دفع بعدم وجود ثمة شاهد وحيد أكيد أقوال المبلغ وليدة الاتهام وتلفيقه. تمت الملحوظة.
وأقفل المحضر بحيث أثبتنا الآتى:
أولاً: يحجز المتهم أحمد إبراهيم محمد على أن يعرض علينا صباح باكر رفقة تحريات المباحث حول الواقعة وملابستها.
ثانياً: تطلب المجنى عليها ياسرا سيد أحمد عبد العزيز صباح باكر.
محضر آخر
فتح المحضر اليوم 16/6/2014 الساعة 12٫30 بسراى النيابة بالهيئة السابقة.
حيث تبين لنا تواجد يسرا سيد أحمد عبد العزيز خليل خارج غرفة التحقيق ودعونا داخلها ورأينا سؤالها بالأتى فأجابت:
اسمى/ يسرا سيد أحمد عبد العزيز خليل
السن/19 سنة
طالبة بجامعة الثقافة والعلوم
وتحمل بطاقة رقم قومى 29407/30/30/39
ومقيمة 2 ش عبد العزيز خليل - وراق الحضر
الوراق - الجيزة
حلف اليمين
س: ما تفصيلات بلاغك؟.
ج: اللى حصل أنا كنت واقفة بميدان الجزيرة بالزمالك كنت بوزع ورق خاص بالوقفة، والوقفة كانت اعتراضا على اللى حصل للبنت اللى فى التحرير، وأنا كنت مختصة إن أوزع ورق على العربيات، وكان فى عربية جاية وأنا كنت بوزع عليها الورق الخاص بالوقفة، وأنا برمى الورقة جوه العربية وناحية اللى راكب جانب السايق لقيت اللى سايق العربية وهو اسمه أحمد إبراهيم محمد بيقوم وقالى إيه العسل ده وأنا مستوعبتش الكلمة وقعدت أخبط على العربية علشان يقف، وقعد يقول لى أنا معملتش حاجة، وهو طلع يجرى و أحد المارة وقف ووقف العربية أمامه علشان هو شافنى وأنا بخبط على زجاج العربية، وسأنى هو عمل لكى حاجة قلت له أيوه، وأول لما وقفه الناس كلها إتلمت على العربية والشرطة كمان جت وأخذوه ودخلوا جنينة قريبة مننا، كان بينهم ضباط وكانوا بيعملوا محضر، ولما خلصوا عملوا لنا محضر، وهو كان بينكر أن هو قال كده وده كال اللى حصل وأنا جيت النيابة علشان أدلى بأقوالى زى ما تعهدت بالضبط.
س: متى وأين حدث ذلك؟.
ج: الكلام ده حصل يوم السبت 14/6/2014 الساعة 6٫30م فى شارع ؟؟؟ بميدان الجزيرة.
س: من كان رفقتك آنذاك؟.
ج: أنا كنت لوحدى وكان معايا ناس كتير أوى، الواقفة الاعتراضية علشان الست إلى اتحرشوا بها فى التحرير.
س: ما مناسبة تواجدك بالمكان والزمان سالف الذكر؟.
ج: أنا كنت بشارك فى الواقفة.
س: ضد من تقدمين بلاغك؟.
ج: ضد أحمد إبراهيم محمد.
س: ما هى كيفية تعرض المتهم لكى تحديداً؟.
ج: هو يتعرض لى بالقول وقالى إيه العسل ده.
س: ما التصرف الذى بدر منك عبر ذلك؟.
ج: أنا خبط على زجاج العربية لأن مكنتش مصدقة اللى قالوا وإحنا واقفين علشان وقفة لا للتحرش.
س: كم عدد المرات التى تعرض إليك المتهم بالقول أنذاك؟.
ج: مرة واحدة.
س: ما هى الحالة التى كنتى عليها حال تعرض المتهم عليكى بالقول؟.
ج: أنا تفاجأت وقعدت أخبط على زجاج العربية علشان الناس تيجى تمسكوا.
س: ما حالة الضوء والرؤية؟.
ج: الدنيا كانت نهار.
س: ما هى حالة المكان من حيث المارة؟.
ج: هى كان فى ناس كتير علشان كان فى واقفة احتجاجية.
س: ما وجهتك للمتهم آنذاك؟.
ج: أنا كنت واقفة جانب العربية وبوزع الورق الخاص بالواقفة.
س: ما هى الحالة التى كان عليها المتهم بعد التعدى عليكى؟.
ج: هو قعد ينكر أن هو معملش كده وكان فى واحدة واقفة تبع للواقفة أنا معرفهاش ومعرفش اسمها.
ملحوظة حيث قمنا بعرض طابور عرض قانون مكون من ثلاثة أشخاص بدوى عبد المجيد عبد السلام ومدحت طلعت حافظ والمتهم أحمد إبراهيم محمد ثالثهم، وبعرضهم على المجنى عليها فتعرفت على المتهمين وطلعت من بينهما المتهم وقمنا بإخراجه خارج غرفة التحقيق لاستكمال التحقيق.
تمت الملحوظة
س: هل المتهم التى تعرفتى عليه داخل طابور العرض هو ذات المتهم الذى تعدى عليكى بالقول؟.
ج: أيوه هو.
س: وكيف تعرفتى على ذلك؟.
ج: علشان أنا شوفته كويس لما كنت بوزع الورق.
س: ما تعليلك لما قرره المتهم أحمد إبراهيم محمد بمحضر جمع الاستدلالات المؤرخ 14/6/2014 بمعرفة النقيب مصطفى عبدا لمنعم بإنكار بأنه قام بالتعدى عليكى بالقول؟.
ج: هو بيدافع عن نفسه.
س: ما تعليلك وقد أنكر المتهم ما نسب إليه بتحقيقات النيابة؟.
ج: هو بيدافع عن نفسه.
س: هل يوجد ثمة علاقة أو خلافات بينك وبين المتهم أحمد إبراهيم محمد؟.
ج: أول مرة أشوفه.
س: هل تتهمى المدعو أحمد إبراهيم محمد بثمة اتهام؟.
ج: أنا بتهمه بالتحرش بى لفظياً.
س: هل لديكى أقوال أخرى؟.
ج: أيوه أنا عاوزه أقول إن كان فى واحدة مشاركة فى الواقعة وكانت جانبى بس أنا مش عرفه اسمها.
س: هلى لديكى مزيد من الأقوال؟.
ج: لأ. تمت أقوالها وتوقع
ملحوظة: حيث فاتنا أن نثبت حضور الأستاذ مصطفى محمود أحمد المحامى ويحمل كارنيه رقم 412566 محاماة، وهو يطلب معاقبة المتهم وفقا للمادة 306 مقرر أمين قانون العقوبات وسماع الشاهد سامح خليل عبد السيد خليل بشارة.
تمت الملحوظة
حيث قمنا بإخراج المجنى عليها خارج غرفة التحقيق وقمنا باستدعاء الشاهد داخل غرفة التحقيق بالآتى فأجاب:
اسمى/ سامح خليل عبد السيد خليل بشارة.
السن/ 26 سنة.
وأعمل/ شركة مواقع إلكترونية.
ومقيم/ ش عرابى - وله عنوان آخر شارع مراد بالجيزة الفيوم - الفيوم
ويحمل بطاقة برقم قومى 28803012300892
حلف اليمين
س: ما تفصيلات شاهدتك بالواقعة محل التحقيق؟.
ج: "اللى حصل أن أنا كنت واقف فى وقفة "لا للتحرش" ولقيت وحدة عمالة تخبط على زجاج عربية والعربية كانت ماشية وهو كان ماشى وكانت البنت بتصرخ وبعد كده أنا وقفت أمامه «قدام العربية» ومنعته من أنه يمشى بوقوف فى طريقه وأول ما وقفته الناس إتلمت وبدأ يتكلم مع البنت وقال لها أنا معملتش حاجة واللى كان قاعد جانبه قال أنه سوء تفاهم".
وكانت البنت بتقول له أنت قلت إيه العسل ده وهو أنكر قال أنا مقلتش الكلام ده وفجأة لقينا الناس إتلمت والشرطة جت أخذت الولد والبنت وراحوا على جنينة جنب المكان كان فيها شرطة وكان فى بنت موجودة وسمعت بس معرفش اسمها ولا بياناتها وأنا جيت النهارده علشان أشهد باللى شفته علشان البنت حاولت توصيل البيانات فقالت لى عوزاك تجى تشهدى باللى أنت شوفتيه.
س: متى وأين حدث ذلك؟
ج: كل الكلام ده حصل يوم السبت 14/6/2014 عند ميدان الجزيرة الساعة 6.30 م.
س: من كان رفقتك آنذاك؟
ج: أنا كنت لوحدى علشان أنا كنت بشارك فى الوقفة الاعتراضية لا للمتحرشين.
س: ما مناسبة تواجدك بالمكان والزمان سالفى الذكر؟
ج: أنا كنت بشارك فى الواقعة.
س: هل يوجد ثمة علاقة أو خلافات بينك وبين المجنى عليها يسرا أحمد عبد العزيز؟
ج: لا أنا معرفهاش أول مرة أشوفها.
س: ما هو قصد المتهم أحمد إبراهيم محمد؟
ج: هو كان مقصده معاكستها «تحرش لفظى».
س: ما هى الألفاظ التى تعدى عليها المتهم بها على المجنى عليها أحمد إبراهيم سيد أحمد؟
ج: أنا مشفتوش وهو بيقول لها اللفظ بس أنا حضرت لما هى جت لما الناس كان بتقول له أنت بتقول لى يا عسل.
س: ما الذى شاهدته تحديداً؟
ج: أنا شاهدت يسرا بتخبط على زجاج العربية والعربية ماشية وعماله تقول أنت أنت وأنا وقفت العربية.
س: هل دار ثمة حوار بينك وبين المتهم أحمد إبراهيم محمد؟
ج: لا مفيش حديث مباشر.
س: ما تعليقك فيما قرره أحمد إبراهيم محمد بتحقيقات النيابة بإنكار تعرضه للمجنى عليها يسرا سيد أحمد؟
ج: هو بيدافع عن نفسه.
س: هل لديك أقوال أخرى؟
ج: أيوه أنا عايزه أقول أن أنا شفت المتهم وهو داخل فى طابور العرض وأنا خارج غرفة التحقيق.
س: هل أجبرك أحد بالإدلاء على شاهدتك؟
ج: لأ أنا بقول الكلام ده بإرادتى
س: هل لديك أقوال أخرى؟
ج: لأ تمت أقواله وتوقع منه.
حيث قمنا باستدعاء الشاهد خارج غرفة التحقيق وبمناسبة تواجد شاهد التحقيق محمود حسين محمود خارج غرفة التحقيق فدعوناه إلى داخلها ورأينا سؤاله بالأتى فأجاب:
اسمى/ محمود حسين محمود عثمان
السن/ 31 سنة
واعمل/ بشركة أوراسكوم
ومقيم/ 5 ش صلاح الشاهد - ميت عقبة - العجوزة
ويحمل بطاقة رقم قومى 28311042102432
«حلف اليمين»
س: ما تفصيلات شهادتك؟
ج: إحنا كنا جايين فى العربية ولقينا واقفة احتجاجية وجت البنت وهو قال لها اللى كان سائق اللى معايا ده زى العسل، وبدأت تخبط على زجاج العربية فأنا رحت شادد الفرامل اليد على أساس أنه خايف يدوس على رجلها ولفوا حوالينا وأخدونا على الجنينة وبعد كده رحت لصاحبى وحاولت أدخل لصاحب بس هما منعونى وواحد قال لى أن صاحبك راح على قسم ؟؟؟؟ وأنا جيت النهارده علشان أشهد.
س: متى وأين حدث ذلك؟
ج: الكلام ده حصل السبت 14/6/2014 حوالى الساعة 6.30 بميدان الجزيرة.
س: من كان يرفقك آنذاك؟
ج: صاحبى أحمد إبراهيم محمد وهو صاحب العربية.
س: ما مناسبة تواجدك بالمكان والزمان سالف الذكر؟
ج: كنا خارجين من نادى القاهرة وكنا مروحيين وشفنا الواقفة الاحتجاجية لكانت معطلة الطريق.
س: ما الذى شاهدته تحديداً؟
ج: أنا شفت واحده جايه من أقصى اليمين بتوزع ورق أنا أخذت منها ورقة وصاحبى بالصدفة كان بيقول كده زى العسل.
س: ما هى علاقتك بالمتهم أحمد إبراهيم محمد؟
ج: أحمد صديق منذ الطفولة.
س: هل يوجد ثمة علاقة أو خلافات بينك وبين المجنى عليها يسرا سيد أحمد.
ج: أول مره أشوفها إمبارح.
س: هل أجبرك أحد على الشهادة؟
ج: أنا جاى بإرادتى وبشهد على اللى شوفته.
س: ما هى حالة الضوء والرؤية مكان الواقعة؟
ج: كانت الدنيا نهار علشان كان الساعة 6.30م.
س: ما هو المكان من حيث إعماره؟
ج: كانت مزدحمة علشان كان فى وقفة احتجاجية.
س: ما هى المسافة تحديداً بينك وبين المجنى عليها يسرا مما كانت بديك الورقة؟.
ج: حوالى نصف متر.
س: هل دار بينك وبين المجنى عليها يسرا سيد أحمد؟
ج: لا محصلش حديث خالص.
س: ما تعليقك فيما قررته المجنى عليها يسرا سيد أحمد بمحضر جمع الاستدلالات المؤرخ 14/6/2014 بالقيام أحمد إبراهيم محمد بالتعدى عليها بالقول «إيه العسل ده؟»؟
ج: محصلش هو كان بيقول كده بس كان بيكلمنى أنا ومكنش الكلام موجه لها.
س: ما تعليقك فيما قررته يسرا السيد أحمد بتحقيق النيابة أن المتهم أحمد إبراهيم محمد عرض لها بالقول؟
ج: محصلش.
س: ما تعليقك ؟؟ بما ذكرته سالفة الذكر بتحقيق النيابة من تعرفها على المتهم بالعرض عليها فى طابور؟.
ج: أيوه هى شافته إمبارح فى الوقفة.
س: هل لديك أقوال أخرى؟
ج: أيوه أنا عايز أقول أن مكنش فى رجالة واقفة فى الوقفة الاحتجاجية.
س: هل لديك مزيد من أقوال؟
ج: لا تمت أقواله وتوقع منه.