ابن أم الدنيا

انزل كمل جميلك.. معدش لينا غيرك
كل الأسامى باهته متنفعشى بديلك
دا شعب مصر عايزك ونزلك بيناديلك
حابين راضيين يا سيسى بحكمك وبقليلك
حالفين لو مصر وقعت.. لنرفعها ونشيلك
دا البطن م الجوع شبعت.. من بس نظرة عينك
والنفس السَّو ولعت.. م النور اللى ف جبينك
دا اللى عملته كفاية.. والله كتر خيرك
"مش عارف انك انت.. نور عنينا ولا ايه"
وابنى لو شاف خطابك.. يجرى جرى عليه
ويقولى عمو سيسى والسيسى الله عليه
ونزل وصلى العصر.. ورجعلى بعلم مصر.. لقيته مشتريه
صورك مالية الشوارع وشوفتها بشرة خير
واسمك فى كل جامع وكل بيت ودير
وع النت فى كل صفحة دايمًا بلاقى شير
ستات دايما فى سيرتك.. بقت عليك بتغير
إلهى يجبر بخاطرك يا ابن أم الدنيا ..
وبنوعدك بشرفك لتبقى قد الدنيا
والعين اللى تضرك تنام وتصبح عامية
ويحمى عرضك وأرضك وتشوف سعادة دايمة
عمر مصر ما تغرق ومعاك هتفضل عايمة