المصريون يحتفلون ب"الفلانتين".."الحبيبة" يبرزون مميزات "السنجل": هتوفر فلوس..والسناجل يدعون للاحتفال بعيدهم فى يوم "Single day": للى هتخرج مع حبيبها يارب تقابلى ابوكى فى الشارع عشان يبقى العيد عيدين

دائما ما يواجه المصريون الاحتفال ب "عيد الحب" بسخرية شديدة، سواء المتزوجون منهم، أو غير المرتبطين، وتظهر حالة من "النفسنة" بين الكابلز والسناجل، على حد سواء.
وترصد مواقع التواصل الاجتماعى هذه الظاهرة، حيث دشن نشطاء على موقع التواصل الاجتماعى "تويتر" هاشتاج تحت عنوان "السناجل يعملوا فولو لبعض"، وقال أحد النشطاء، ساخراً من أن عيد الحب موافق ليوم "الجمعة"، قائلاً: "دباديب مباركة"، وتساءل ناشط آخر قائلاً : "إلى كل الكابلز هو الاحتفال بالفلانتين بيكون قبل صلاة الظهر ولا بعدها".
وكتب الناشط أحمد عبد الله قائلاً: " أوعى تخلى الفلانتين ينسيك جول مجدى عبد الغنى فى هولندا"، بينما كتبت إحدى البنات السناجل، "انهاردة الفلانتين؟ على خيرة الله، أنا نازلة أصلِّى الجمعة".
كيف يحتفل المتزوجون بعيد الحب
غالباً ما تحاول المرأة جذب انتباه الرجل إلى اقتراب موعد "عيد الحب"، من خلال ذكر تاريخ هذا اليوم، أو تكرار كلمة "الفلانتين"، إلا أن غالبية الرجال يحاولون التهرب من هذا اليوم، فهو عادة كان يكلفهم تحمل قيمة هدايا لهذه المناسبة الخاصة، مع استدعاء حالة الرومانسية التى قد يكون الرجل افتقدها منذ زمن، ولكن فى النهاية يرضخ معظم الرجال، ويقدمون لزوجاتهم فى اللحظات الأخيرة هدية "عيد الحب"، ويتلخص هذا الأمر فيما كتبه محمد إبراهيم على "فيس بوك": "دايما فى أى مناسبة، "الوردة" بتخطف الاهتمام من "الهدية"، فكرت استعبط وأقضيها ورد .. بس قلت الطيب أحسن".
وينتظر المحبون والعشاق عيد الحب أو "الفلانيتن داى" للتعبير عن مشاعرهم وتبادل الهدايا، والعبارات الرومانسية، ولكن "السناجل" دائما ما يرون تلك المناسبة من منظور مختلف، ويعتبر عيد الحب، اليوم الذى يمر بطيئًا على غير المرتبطين، فيشعرون بالضيق والوحدة ويتمنون لو أنهم يتلقون هدية أو وردة أو كلمة رقيقة من أحدهم.
هذا هو حال "السناجل" قديمًا، أما الآن فقد أصبحوا يتعاملون مع هذا اليوم بروح يغلب عليها الفكاهة والكوميدية، فتداول عدد من رواد موقع التواصل الاجتماعى الشهير "فيس بوك" العديد من الصور الساخرة من الحدث، والتى تكشف بعضها معاناة الشعب المصرى وعدم اهتمامه بتلك المناسبات لتخلق أجواءً من المرح بدلًا من تلك الأجواء الحزينة التى كانت تسيطر قديمًا .
كوميكس عيد الحب يتضامن مع السناجل..
ومن مميزات "إنك تبقى سنجل"، كما أوضح "الحبيبة"، توفير للفلوس بكافة أنواعها (عزايم – هدايا – رصيد تليفون)، ومش هتضطر تلبس أحمر وهو أساسا مش لايق عليك، وتبقى قاعد مأنتخ فى البيت وياعينى المأنتمين برة فى الشمس والحر والتراب أو السقعة والشتا ودور البرد، وبدل الهدية والكلام الفاضى هاتجيب لنفسك جزمه بدل اللى اتخرمت وصباعك خرج منها دى، وهاتحس بنشوة الاختلاف إن أنت بتعمل حاجة غير اللى بيعملها عامة الشعب من لبس أحمر وهدايا وخلافه.
وأضافوا: "كمان هاتختلف مع الناس فى نوع اللأغانى اللى بتسمعها، يعنى مثلا كل الناس تلاقيها بتسمع أغانى حب ورومانسية وكدة، وأنت تضرب شريط حسن الأسمر أبو اتنين جنيه ونص، وتفضل تسمع فيه طول النهار ولو زهقت شغل مصطفى كامل، وفى اليوم دة هاتتقرب لربنا أكتر، لأنك هاتفضل تصلى طول النهار وتدعى من قلبك أن أى واحده تعبرك بدل مانت عمال تحقد وتحسد عالناس لحد مابقيت شبه اللمونة، وكمان لما تبقى "سينجل" ربنا هايكفيك شر الخناقات فى الشوارع لو حد عاكس المزة اللى معاك وخلافه، وطبعا كلنا عارفين إن أنت مع أول قلم هاتسيبهالهم وتجرى.
وتابعوا: "لو اتجننت وحبيت تخرج فى اليوم ده هاتنزل مع أصحابك السناجل برضو وتفضلوا تلفوا بالعربية طول النهار، بدل ماتترمى تقعد فى كازينو أو كافيه أنت والمزة وتبقى فرجة لكل البنى آدمين، وأخيرا كون إنك سينجل هايعفيك بقى من إنك تسمع الكلام اللى ولا يودى ولا يجيب اللى دايما بيتقال فى اليوم دة -إمتى بقى يا حبيبى هاتيجى تقابل بابا -نفسى يا حبيبى الفالنتين الجاى نكون سوا فى بيتنا -أنا ماما إمبارح قالتلى هاتفضلى كدة لحد إمتى – أنا بنت أخو عم خال مرات أخو جارنا اتخطبت إمبارح مش ناوى بقى تخطبنى زيها" .
الفرق بين السناجل والمرتبطين فى الفلانتين
وأبرز النشطاء الفرق بين السناجل والمرتبطين فى عيد الحب، بالنسبة للفلوس السناجل قبل عيد الحب: 100 جنيه السناجل بعد عيد الحب: 300 جنيه المرتبطين قبل عيد الحب: 200 جنيه المرتبطين بعد عيد الحب: صحابه عايزين منه 500 جنيه.
مميزات تجعل الأعزب سعيدا فى عيد الحب
يشعر الأشخاص غير المرتبطين أحيانًا بالغيرة والحسرة فى عيد الحب، حين يمتلئ العالم من حولهم بالاحتفالات بالحب والأزواج والمحبين يتفنون فى الاحتفال بهذا اليوم، ولكن حسب موقع "magforwomen" للمرأة، هناك 4 أسباب من شأنها أن تجعل الأعزب يشعر بالسعادة لكونه كذلك فى عيد الحب، السبب الأول هو أنه لا يقع تحت أى ضغط، فليس هناك من يتوقع أن تأتى له بشىء جديد، أو طريقة جديدة للتعبير عن حبك له، وليس عليك أن تكون قلقًا بشأن كيفية إرضائه فى هذا اليوم.
أما السبب الثانى، فهو أن كونك أعزبًا فى عيد الحب، يوفر عليك الكثير من الزهور والشوكولاتة، فتخيل مقدار المال الذى ستوفره فى هذا اليوم، فليس لديك من ترسل إليه الزهور أو الهدايا أو الشوكولاتة، بل يمكنك أن تنفق المال على نفسك وشراء أى شىء يسعدك فى هذا اليوم، فيما تتمثل الميزة الثالثة فى كونك أعزب فى عيد الحب، هى أنك ستضحك كثيرًا على الأشياء السخيفة التى يفعلها البعض فى عيد الحب.
والسبب الرابع، فهو أنك لست فى حاجة إلى التأنق فى هذا اليوم، فبدلاً من أن تنفق ساعات طويلة فى التأنق لتبدو جميلاً فى نظر شخص آخر، يكفى أنك إذا أردت أن تكون أنيقًا فى ذلك اليوم، فستفعل ذلك من أجل نفسك فقط، لتشعر بالرضا عن نفسك وليس من أجل شخص آخر.
وأخيرًا، لن تعانى فى هذا اليوم من أية خيبة أمل فلن تتوقع أى شىء من أى شخص، وعندما لا تكون هناك توقعات لن توجد أيضًا خيبة أمل.
من أشهر التعليقات التى تناولها موقع التواصل الاجتماعى، "فيسبوك"، عن السناجل: "باقى 18 يوما على عيد الحب، وأنا single.. أصلًا عادى.. أحسن عشان مجيبش هدية، وأصلًا أصلًا عيد الحب حرام".
بينما جاء فى تعليق آخر: "أخواتنا الحبيبة فى عيد الحب يفعلون كل ما بوسعهم للتعبير عن الحب.. دون أى مراعاة لشعور إخوانهم السينجل اللى أنا واحد منهم". وأضاف آخر:" عيد الحب الجمعة الجاية والمرتبطين بقی هيقضوها ورد أحمر ودباديب حمرا وجهنم الحمرا بإذن الله يا بعدا "مش هاضطر ألبس أحمر وهو أساسًا مش لايق عليا"، و"أحلى حاجة إنى سينجل، ببقى قاعدة مأنتخة فى البيت ويا عينى المرتبطين بره فى البرد والتراب".
كما خصصت مواقع الأغانى المشهورة أقساما خاصة لتجميع الأغانى التى تخص الغير مرتبطين، فكانت من أشهر التعليقات على هذه الأغانى: "أحلى حاجة إنى بختلف مع الناس فى نوع الأغانى اللى بتسمعها.. يعنى مثلًا كل الناس تلاقيها بتسمع أغانى حب ورومانسية فى عيد الحب، وأنا بسمع شريط حسن الأسمر أبو اتنين جنية ونص" واتخذ "السناجل" من قلق الكثير من الشباب من المشاكل التى ستحدث فى هذا اليوم، فى ظل الغياب الأمنى، سببًا للفرح بكونهم غير مرتبطين، حيث قال أحدهم: "لما تبقى سينجل؛ ربنا هايكفيك شر الخناقات فى الشوارع لو حد عاكس "المزة" اللى معاك، وطبعًا كلنا عارفين إن هو مع أول قلم هايسيبها ويجري"
إنت ليه ما بترتبطش
وكان من التعليقات أيضا:"أصلى هرتبط بمين ! بيكى مثلا ! علشان ارتبط بيكى لازم أحبك وعلشان أحبك لازم نعمل حاجات مع بعض، نخرج مثلا، ندخل سينما فالاقى الواد واقفلى بالكشاف ومركز معايا لا عارف أبوسك ولا حتى أقولك كلمة سر، أقوم ساببله وشادك من إيدك وقايم، نخرج نمتشى وأنا ماسك إيدك نلاقى واحد باصصلنا بنظرة كلها حنين وحنان مع ابتسامة سمجة وصوت خاشع وعين ضيقة.. ويقوللى بالله عليك أخى فى الله، اترضاه لأختك! فأسيب ايدك علشان مش ناقصة سماجة أكتر من كدا، نروح نمتشى على الكورنيش فى الهوا، يطلع كام شاب روشين لسه راجعين من الجيم لابسين فانلات سبعة، يعاكسوكى علشان يبينوا قد ايه هما جامدين فشخ والواد اللى معاكى ده سيس وإحنا أفشخ منه، وانا ابقى مزنوق فى النص، اعمل نفسى مش سامع وأعديها علشان ما تتبهدليش معايا وأبقى قدامك بوكسر خالص! ولو خرجنا فى عيد الفلانتين ممكن تقابلى أبوكى فى الشارع عشان يبقى العيد عيدين (عيد الفلانتين) و (عيد الأضحى)
النشطاء يدعون ل"عيد السناجل" أسوة بعيد الحب
دعا النشطاء السناجل، على موقع التواصل الاجتماعى "فيس بوك" لتدشين صفحة على الفيس تحت عنوان"Single day :"أسوة باليوم الغريب بتاع الفلانتاين، وأضاف أحد النشطاء قائلاً: "ممكن يكون شعارنا هو" معبد أبو سنجل" عشان ننكد عليهم ذى مابينكدوا علينا، ويكون ليوم السنجل ده عيد رسمى برضة ونحتفل بيه كل سنة".
h