آه يا مصر

وألف آه كل دا ولسه عافيه
كل دا وعزمك شديد وابتسامتك هيه هيه
زوبعه فى فنجان وعدت والزوابع ياما عدت
لسه أحبابك كتير لسه هما الأغلبيه
.....
تعمل إيه يعنى السحابة مهما تبعد أو تقرب
تعمل إيه والشمس طالعه غير فى نور الشمس تهرب
لسه حضنك فيه ولادك طاقه بتجدد شبابك
تطرد الخوف من ربوعك لو يشرق أو يغرب
.....
آه يا مصر وياما دقت فوق دماغنا زمان طبول
اللى شرقى واللى غربى واللى تعلب واللى غول
كلهم راحوا فى ترابك واللى باقى يا مصر بابك
لسه مفتوح للأحبه تأذنى لهم بالدخول
.....
مهما كان الحزن قاسى ديته يا مصر دمعه
وابتسامتك لو تغيب صدقينى راجعه راجعه
كل فرسة وليها كبوة المهم تظل صلبه
والسحاب مهما يغيم لسه شمس الحب طالعه