شعبولا قبل رفع الحظر.. للبرادعى: "حب مصر".. وللببلاوى: "بطل طيابة"

* شعبولا: بنحب البلد وبنرصد سلبيات الواقع على طريقتنا.. وإسلام خليل: أنا أسرع دليفرى غنائى فى مصر
يجتمع الثنائى الشاعر إسلام خليل والمطرب الشعبى شعبان عبد الرحيم، فى أغنية جديدة تحمل عنوان "هتشيل الحظر شيله كده كده مفيش أمان"، يوجه من خلالها رسائل للمسئولين بالدولة قبل أيام من رفع حظر التجوال، حيث يقول عبد الرحيم فى تصريحات ل"اليوم السابع"، "إحنا بنحب بلدنا بجد وبنحاول نرصد سلبيات الواقع على طريقتنا علشان ننبه عنها المسئولين وبلدنا تستقر وتبقى أحسن بلد فى الدنيا".
ومن جانبه، قال الشاعر الغنائى إسلام خليل إنه من المقرر تسجيل الأغنية خلال الأيام المقبلة لبثها على الفضائيات والإنترنت، ويقول "أنا أسرع دليفرى غنائى فى مصر، وبكتب أغنياتى من قلب الشارع وبإحساس الناس الغلابة اللى بتعانى من الأوضاع غير المستقرة".
ولفت الشاعر إلى أن كلمات الأغنية تقول "هتشيل الحظر شيله كده كده مفيش آمان.. شعبنا بيرضى بقليله وكتير بينام جعان، الشعب بيشوف بلاوى فى الشارع كل يوم.. يا حكومة الببلاوى يا حلوة صح النوم، فى عالم نازلة جزر فى الشعب هتقضى عليه.. طب قبل ما تنهى الحظر عرفنى هتعمل إيه، الرقة والطيابة مبقتش تفيد خلاص قدام شلة وعصابة ماشية تهدد فى الناس، علطول بصلى وادعى للستر لأى حد.. ربنا يهدى البرادعى ويحب مصر بجد، أرجوك يا عم حازم خليك حازم بجد.. فى ناس عايزين يعيشوا وناس محتاجة شد، إذا كان والحظر ماشى الشارع كله دم.. آمال لو شلته خالص هتعمل إيه يا عم، فى ناس نيتها خبيثة بالشعب مش حاسين.. عرف حجازى وعيسى وزياد بهاء الدين، وحياة مريم ومريم ومحمد الغلبان.. المولى هيحاسبكم وهيشهد الزمان، شكرا للجيش المصرى عمل أكتر من اللى عليه.. عايزين بقى الحكومة نشوفها هتعمل إيه".