اليوم السابع ينفرد ب"تترات" المصراوية والأشرار قبل عرضهما

زى الندى وبنتخلق أطهار وبنتولد أخيار كما النوار
زى الهوا وبننطلق أحرار وندور فى دوامة زمن دوار
وليل ويا نهار يشدنا الطيار ومجبورين نختار
يا نبقى ناس أبرار يا نبقى ناس أشرار واسترها يا ستار
هذه هى كلمات تتر البداية لمسلسل "الأشرار" الذى سيعرض خلال شهر رمضان، بطولة مجدى كامل ولقاء الخميسى، كتب كلماتها الشاعر سيد حجاب ويعد أحد أبرز كتاب تترات البداية والنهاية لمسلسلات رمضان.
واختص حجاب اليوم السابع بكلمات تترات المقدمة والنهاية التى كتبها لبعض المسلسلات التى ستعرض خلال شهر رمضان وهى "المصراوية2" و"الأشرار" وعبودة ماركة مسجلة"، وينفرد اليوم السابع بنشر كلمات تترات المقدمة والنهاية لتلك المسلسلات قبل عرضها.
وتقول كلمات تتر النهاية لمسلسل "الأشرار"..
يا توهة المشوار امتى الزمن يندار ويكشف الأسرار
ويبان لنا الأبرار من الأشرار واسترها يا ستار
يا ولنا يا سواد ليلنا يا وطن يصبح فريسة للفساد والعطن
منه مهما قولنا ورطن ومتحسبوش النور ورا الأسوار واسترها يا ستار
لا الكدب له رجلين ولا الفساد وايدين ولا إحنا معروضين فى المزاد
بس إن سكتنا عن الفساد وزاد وساد وإن قولنا لأ يطلع ليلنا نهار واسترها يا ستار
كما كتب كلمات المقدمة والنهاية أيضاً لمسلسل "عبودة ماركة مسجلة" أول بطولة مطلقة للفنان سامح حسين، ويشارك سامح البطولة الفنانة هالة فاخر، ولطفى لبيب، ومروة حسين، المسلسل من تأليف محسن رزق، وإخراج عصام شعبان، وإنتاج شركة رايت ماركت.
و تقول كلمات المقدمة..
يا ولا يا ولا يا زايد فى الحلا وآخر مرجلة
لو حالك بالبلا ولا الجيب اتملا دولارات متلتلة
ما أنا عبودة فخر وولا ولا ماركة مسجلة يا ولا يا ولا
ياللى هتقولى أنت ليه وإزاى كده وإيه النظام
النظام تمام لولاش شوية فقر عام
والفلوس بتدوس ع الروس والنفوس وده شىء حرام
سوس وسارح يا خواجة وكل حاجة شوف بكام
وأنا مش للبيع برغم الدهولة والكحولة يا ولا يا ولا
والنهاية..
ولا ولا ولا ولا ولا ولا
ولا الأصفر الرنان ولا الخضر الزنان
بيغيروا الإنسان إن كان صحيح إنسان وحتى لو فلسان
حتى الزمن الغلا قال وإنجال عبودة يا ولا ماركة مسجلة يا ولا يا ولا
القرش مع اللى ميساويش قرش مالوش قيمة والبنى آدم قيمته مش بالبدلة والكرش
أما بالنسبة لمسلسل "المصراوية 2" فسيستعين حجاب بالتتر الخاص بالجزء الأول فى المقدمة والنهاية، لكنه سيغير الكوبليه الثانى فقط من التترين.
المقدمة
ياللى بتسعى تكون كما شاء ربنا بالشرع والشورى
السكك متيسرة وحرام تسوجنا غضب حتى فى دربنا
وإزاى نطير وإحنا جناحتنا مكسرة
يا رحمة الله فوق جلوبنا طبطبى
وصلاة النبى
النهاية
والصبر طيب واللى راح راح يعود
طول ما إحنا روحنا فيه وعايزين نكون
والحق والحرية أصل الوجود
ع الأصل دور والشدايد تهون
وأبو جلب طاهر دعوته تستجاب
الصبر طيب