لو كنت فى الإسماعيلية والبلاج قفل... اركب مركبا واللفة ب 2,5

صوت الأغانى الشعبية يملأ الكورنيش، انتشرت على طول جوانبه العديد من الكراسى البلاستكية الخالية من الزوار الذين اعتادوا ملء هذا المكان فى مثل هذا الوقت من العام، وقف أمامها على رصيف الكورنيش عدد لا ينتهى من المراكب السياحية الصغيرة، وعلى مقدمتها شباب يشتكون من قلة عدد الزوار لدخول هذا اليخت الصغير للحصول على نزهة بسيطة مقابل القليل من الجنيهات.
على ضفاف بحيرة التمساح التى تقع على طريق البلاجات، تراصت العديد من المراكب السياحية الصغيرة التى تسبح داخل البحيرة، لتأخذ الزوار فى رحلة بحيرية صغيرة لا تتجاوز مدتها ال10 دقائق داخل البحيرة، تسبقها جلسة طويلة داخل المركب فى انتظار قدوم الركاب لاكتمال العدد والخروج فى الرحلة المنتظرة التى تقطع جنبات البحيرة ثم يعودون مرة أخرى إلى الشاطئ.
"محمد كوارشى" أحد العاملين على مركبة الدولفين يقول لليوم السابع: "رجل الزبون دلوقتى خفت، زمان كان بيجلنا فى الصيف ناس من كل حتة، ده غير سكان الإسماعيلية نفسهم اللى بيحبوا الخروجات فى الصيف، بس دلوقتى لا فى سياح ولا حتى الإسماعلوية نفسهم بيجوا، كله بيكسل يطلع علشان الظروف، ده غير أن شغلنا مش بيكون غير بالليل بعد ما البلاجات اللى قدامنا تقفل، لأن الزباين طول اليوم بيروحو البلاجات علشان ينزلوا المياه، ومش بيجوا عندنا غير لما البلاجات تقفل".
وأضاف "محمد" أن اللفة تستغرق مدتها عشرة دقائق إلا أن تواجد الناس داخل المركب يتجاوز أكثر من ساعة حيث لا تغادر المركب الرصيف إلا بعد اكتمال العدد، كما يبلغ سعر الجولة للفرد الواحد حوالى اثنين جنيه ونصف، للحصول على متعة مشاهدة مياه البحيرة.