هل ارتفاع الحد الأدنى للقبول بكليات القمة أدى إلى فشل التعليم فى مصر؟

خالد محمد - حاصل على 96.4 % ثانوى عام من الخارج
نظام التعليم فيه حاجة غلط، ما بقتش عارف ممكن أدخل إيه، ومعنديش أمل أدخل أى حاجة، بيقولوا ممكن ألحق كلية الهندسة.
محمد سعيد - حاصل على دبلوم فنى
الوزير عايز الطالب اللى بيذاكر زى اللى ما بيذاكرش وممكن على نص درجة يضيع حلم واحد كان نفسه يدخل كلية من كليات القمة، وواضح إن المجاميع العالية ده علشان الطلاب يتعلموا بفلوس حتى لو كان الطالب حاصل على 50 % ممكن يدخل تعليم مفتوح، يبقى إيه لزمتها دوشة الثانوية العامة.
مدام سيد خطاب - ربة منزل
كان نفسى ابنى يدخل كلية تناسبه خاصة بعد حرق الدم والأعصاب والمصاريف اللى شفناها خلال السنتين اللى فاتوا، لكن ارتفاع المجاميع غير كل حساباتنا، وعلى المسئولين فتح تخصصات جديدة تستوعب المتفوقين حتى لا يشغلوا وحدهم كليات القمة.
محمد زغلول حسن - مدير عام بقطاع الفنون التشكيلية
المجاميع بقت حاجة صعبة، ومن الأفضل إلغاء فكرة الالتحاق بالكليات وفقا للمجموع واستبدال التنسيق بامتحان قدرات لكل كلية اللى ينجح فيه يدخل الكلية.
عمر خالد - حاصل على 84.5 % ثانوى عام
الكليات بقت حظوظ أنا كان نفسى أدخل هندسة أكيد مش حاعرف أدخلها السنة دى، فرصتى الوحيدة بقت فى دخول جامعة خاصة.
عمر العربى - حقوق عين شمس
ارتفاع المجاميع مؤشر على عدم استقرار سياسة التعليم فى مصر، احتمال يكون رفع الحد الأدنى للقبول بكليات القمة علشان الجامعات الخاصة تشتغل.