ضى القمر

نور عيون قمر الكون بَصحى عليه وأنام
بشوف فيه ضَى مش غَريب عليا
نور عيون قمر الكون باعت لروحى يسلّم عليا
وحشنى نور قمر كان بالنسبه ليا نور الكون
نور عيون قمرى مكنش تغمضله عين غير لما يطّمّن عليا
بينى وبين قمرى أبعد أكتر ما شمس وقمر الكون بعيد
على قد جرحى من قمرى على قد ما واحشنى لمسه أيديه فى أيديّا
على قد ألمى إلا نفسى تيجى عنيه فى عنيا
على قد ماهو كسرنى وقِسِى عليا ومثّل عليّا الحنيّه
والله مسامحه على الرغم إنه قَضَى عليّا
نور عيون قمرى مِرتاح وهو عايش بعيد
مستنى نصيبه، مستنى حُب جديد
نور عيون قمرى عايش واهم نفسه
عشان ينام على سريرة مرتاح الضمير صافى النيّه
غافل خيانته ناكر إنى كنت له ظهر من حديد
معروفه، قليل الأصل لما يغدر لازم يبقى جلّاد
صنتك وإن كُنت غِلطت فأنا سبت روحى فى ايديك ودعيتك نبنى من جديد
لكن انتا كنت بايع ومن بدرى وعايش فى الوهم ناسى رب العباد
وقريب تفوق من الوهم بس فات الأوان وتنسى حبك صار فى قلبى شهيد