سيادة الرئيس مرسى أنا فؤاد

والله العظيم أنا مواطن مصرى عادى جدا لا ليبرالى ولا علمانى ومبلاقيش لنفسى تصنيف غير أنى مصرى الجنسية مسلم الديانة، على فكرة مصر فيها زيى كتير قوى مواطن مدنى عادى كنت عايز أشوف بلدى جميلة كنت عاوز أشوف حضرتك وجماعة الإخوان المسلمين متتظلمش من مبارك لما كنت موهوم ومفكرها بتتظلم كنت عاوز أشوف اللى عايز يربى دقنه يربهيا عادى براحته، وقت مكنت موهوم ومخدوع ومفكره عاوز هو يربيها مش يفرضها عليا غصب عنى أنا كمان أربيها، ولو أنا مش مربيها وعارضته أبأة كافر بالنسبالو.
كان نفسى أشوف مصر بتهتم بالبحث العلمى عشان نوصل لنتايج نقدر نبيعها للعالم ونتايج نقدر نحل بيها مشاكل مصر، بحث علمى يخلينا قادرين نزرع أرضنا ونكبرها ونصدر محاصيل زى زمان.
بحث علمى يطور الصناعة ويشغل ملايين الشباب فى مشروعات حقيقية نبنيها بأيدينا طوبة طوبة.
توقعت أن الإخوان اللى بتحلم بأستاذية العالم يبنوا مصر عشان بعدها ينطلقوا للعالم، إللى أنا شايفه أن هما بيدوسوا على مصر عشان يعدو على اللى بعدها ومش هيلاقو فى النهاية إلا خراب مصر وخراب أى حلم آخر بيحلموه أو بيحلمه الشرفاء من شبابهم.
توقعت دعوة الإخوان المسلمين هتجمع الناس لها ولغايتها اللى أنا كنت فاكرها وهما إنها حسنة، كنت متوقع إنهم ممكن يتذكروا الله عز وجل وكيف نصح الرسول (ص) وبماذا فى دعوته (ولو كنت فظا غليظ القلب لانفضوا من حولك) صدق الله العظيم، كم من قلوب المصريين انفضوا من حولكم يا جماعة الإخوان؟
كم فضح مدى شراسة أطماعكم فقط فى السلطة والأمر والنهى بلا نبل الهدف أو الغاية، ودون حتى التطبيق لمراد الله ودون الوصول إلى الحلم الجميل أن تكون أجمل بلاد الأرض هى بلاد المسلمين.
أليست هذه دعوتكم؟ أليس هذا هدفكم؟
كيف تظنون أن الوصول إلى هدف نبيل هو باستخدام جميع الوسائل غير النبيلة؟ أفعلها النبى ص؟!
ماذا صنع النبى فى صلح الحديبية؟! هل نقض العهد بينة وبين المشركين؟!
هذه كانت السياسة التى اتبعها النبى (ص)، فما هى سياستكم؟!
أنتم تدركون معنى السياسة فى مفهومها القبيح ونسيتم أن عنوانكم هو الإخوان المسلمون.
فأين سياسة الإخوان المسلمون من سياسة نبى الإسلام نفسه؟
أنتم خنتم الأمانات وآثرتم الفتنة ولم تجمعوا شتات المسلمين، أنتم أسأتم الحكم.
إن صاحب الأحلام النبيلة تعرفه الناس من أساليبه النبيلة للوصول إليه.
فهل مازلتم تظنون أن حلمكم نبيل؟