طريقتان للحصول على عضلات قوية

يمكنك الحصول على عضلات قوية عن طريق اتباع خطوات بسيطة يمكنها أن تزيد من عضلاتك بشكل سهل ومن ثم حرق السعرات الحرارية.
1. ركز على البرنامج الغذائي
تناول بروتين كافى: 1 إلى 2 جرام لكل رطل من وزن جسمك، لو كنت 180 رطل لازم تاخد من 180 إلى 360 جرام بروتين كل يوم.
قم بزيادة الكالوريز: لو أنت بتاكل يا فورما حوالى 2000 كالوريز فى اليوم خليها 2,500 كالوريز.
اشرب مية كافية: عليك بشرب 2 لتر أو اكتر مية فى اليوم.
كل بانتظام: غير عاداتك من أكل ثلاث وجبات كبيرة إلى 5 أو 6 وجبات صغيرة طول اليوم مع مشروب بروتينك المفضل.
تناول الفيتامينات: الوجبة المعتدلة للرجيم لازم يكون فيها ملتى فيتامينات (فيتامينات ومعادن) مكمل غذائى علشان تفضل سليم، الفيتامينات التي يفترض أن تتناولها بتعتمد على سنك ونوعك واحتياجات الدايت وصحتك، علشان كده اسأل دكتورك عن الملتى فيتامين المناسب لك.
كل دهون صحية: كل دهون غير مشبعة لأنها ضرورية لجسمك، علشان توزع فيتامينات A وD وE وK لصحه جلدك، حوالى 50 - 70 جرام مفيد لصحتك، وهما موجدين فى زيت الزيتون وزيت فول الصويا والبندق واللوز والفول السودانى، اوميجا 3 مفيدة جداً لقلبك وهى موجوده فى السلمون والتونة والسردين.
2. تمارين معينة للعضلات
حمل الأثقال من أحسن التمارين للعايز يعمل كثافة لعضلات الصدر، لو كنت مبتدء ابتدى برفع 5 إلى 10 كيلوجرام فى كل إيد، أتبع تعليمات المدرب وزود الحمل بعد كل مجموعة.
أحمل الأوزان على جهاز رفع الأثقال، صحيح حتكون أصعب علشان كده ابتدى بأوزان خفيفة.
أعمل تمارين ضغط وتمارين صدر بنتظام.
أستعمل تمارين الضغط بالdumbbell لعضلات صدرك ودراعاك والعضلة الbiceps وعضلة الtriceps.
عضلات بطنك: نام على الأرض ودراعاتك تحت راسك واتنى ركبتك وبطن قدمك على الأرض، ببطء أرفع رأسك وكتافك من على الأرض ونام تانى كررها حوالى 20 مره، نام على وشك وارفع جسمك من على الأرض بساعديك ولازم جسمك يوازى الأرض وأستخدم صوابع رجلك علشان تحافظ على وزنك وخلى جسمك مستقيم على اد ما تقدر.