حسن شاهين: أنا «كويس» وعمري ما هخاف

أكد حسن شاهين، عضو الحملة الانتخابية لحمدين صباحي، أحد مؤسسي حركة تمرد، أنه في حالة جيدة بعد أن تعرض للهجوم من قبل بعض شباب القوة الثورية والسياسية، خلال مشاركتهم للدعوة بإسقاط قانون التظاهر، بمحيط قصر الاتحادية.
قال "شاهين" في تدوينة له عبر صفحته الشخصية بموقع "فيس بوك"، مساء اليوم، السبت:" أنا الحمد لله كويس ومكمل وهفضل مكمل وعمرى ما هخاف وطول ما أنا مقتنع بشيء هفضل أدافع عنه أنا ضد قانون التظاهر لأنه قانون باطل ومخالف للدستور ومع الحرية للمعتقلين".
وأضاف "شاهين":" أنا بتحرك بناء على ضميري ورؤيتي وبالتأكيد لازم يكون في خلافات سياسية طبقا لأيديولجيتنا وأفكارنا لكن لما خلافتنا تيجى على الثورة بضرر يبقى لازم ناخد بالنا كويس قوى ونعرف إحنا واقفين فين وهنكمل إزاي، هنكمل ضد كل فاسد ومستبد وضد نظام مبارك اللى بيرجع، وكل واحد بيحول السياسة لخناقة واشتباكات سواء معايا أو مع غيرى راجع نفسك لأن احنا المستقبل، راجع نفسك وشوف مستقبلك هيكون إزاي طول ما احنا اللى بنفرق نفسنا وبندي الفرصة لكل من هو ضد الثورة أنه يسرق مجهودنا".