نشطاء "فيس بوك" يطالبون "ماسبيرو" بإطلاق راديو تسريبات FM

بعد التسريبات التي نشرها الباحث عبد الرحيم علي، لعدد من النشطاء، طالب شباب فيس بوك اتحاد الإذاعة التليفزيون بتدشين قناة تحمل اسم "تسريبات FM" تكون مهمتها نشر تلك النوعية من الأخبار.
ورصدت "فيتو كافيه" ردود فعل الشباب، فقالت هبة الأسيوطي: "أنا باقترح إن اتحاد الإذاعة والتليفزيون يعمل راديو مخصوص نسمع عليه التسريبات دي بس وتبقى اسمها تسريبات FM".
وقال محمد مدحت: "الواحد دلوقت لما يعمل مكالمة لازم قبل ما يقفل المكالمة يغني تسلم الأيادي احتياطي".
وأوضح باسم قناوي: "خايف كمان يومين ألاقي عبد الرحيم علي يقول أن مجلة ميكي هي مخطط تقسيم مصر، وإن سابق ولاحق لهم علاقة باللي بيحصل في مصر على مدى ال 3 سنين".
بينما سخر أحمد فاروق: "لو ملفك اللي في أمن الدولة ضاع هتلاقي منه نسخة عند مرتضى منصور.. لو ملقتهوش كلم عبد الرحيم علي.. يمكن يكون خده معاه بالغلط في كرتونة السيديهات".
وأضاف محمد التمامي: "تسريبات وكارتون وإرهاب وسبايدر.. يارب أطلع كل ده نايم وأمى تصحينى كمان شوية أصلى الجمعة واتفرج على سر الأرض"، وعلق سامح سمير قائلا: "ويتوالى سقوط الأقنعة.. بعد فضيحة أبلة فاهيتا، عبد الرحيم علي يذيع في حلقته اليوم تسجيلا لمكالمة بين بوجى وطمطم".