محافظ الفيوم "نايم فى العسل" !

رصد محرر وكالة "هريدى نيوز" أن المهندس أحمد على، محافظ الفيوم، خرج من مكتبه اليوم "الاثنين" وهو يهرول ويجرى وينتشر ويقتل ويبيد، لكن وشه كان أصفر زى الليمونة البلدى اللى هى إنتاج فيومى صافى، ظل محررنا يتعسس ويتجسس حتى عرف السبب، وطبقًا لمصادر محررنا التى هى غير مقربة من أى حد حتى لو كان ابن مين فى مصر، السبب الحقيقى وراء جرى المحافظ بهذا الشكل أن وزير "البيئة" يزور المحافظة وبسلامته ماكانش يعرف، المهم أن سبب الزيارة "إن الوزير جاى يحل مشاكل الدير المنحوت اللى الرهبان بتوعه بنوا سور على مساحة كبيرة من الصحرا والبدو عامل معاهم مشاكل، ده غير أن المنطقة محمية، يعنى بالعربى الصريح ما ينفعش فيها بُنا، وكمان دى أملاك دوله والحاج أحمد نايم فى العسل وآخر من يعلم.