ظلموك يامرسى!!

نفى ياسر على المتحدث باسم الشيخ مرسى أن يكون مولانا قابل أيًا من مكتب الإرشاد فى القصر، وحسب محرر هريدى نيوز، ياسر طبعًا صادق لأن محررنا عرف من مصدر غير معلوم وبالطبع غير مطلع، أن الريس مجرد مندوب للمقطم فى القصر، وعلم محررنا أن مرسى لم ولن يستقبل أيًا من أعضاء مكتب الإرشاد، لأنه ببساطة ياعمنا هو اللى بيروح لهم، ماهو ترتيبه فى الجماعة رقم 6 وطبعًا مش 6 إبريل، وهذا يعنى مع مبدأ أحلامك أوامر اللى تم تعديله بالسمع والطاعة، أن مولانا هو كمان محكوم مش حاكم، ظلمك شعبك ياريس، وظنوك رئيسهم.