بالفيديو..السيسي: مرسي لوكان يدرك وزن الجيش لما تعجل في إقالة طنطاوي وعنان

أذاعت قناة الجزيرة مباشر مصر، تسريبات جديدة للفريق أول عبد الفتاح السيسي، القائد العام للقوات المسلحة ووزير الدفاع والإنتاج الحربي، يؤكد فيه على أهمية تحصين المؤسسة العسكرية فى الدستور القادم، قائلاً:" المؤسسة العسكرية لها دور فعال وقوي يمتد من 5 سنوات إلى 10 سنوات على الأقل، وهذا الدور أساسى حتى لو كان الرئيس القادم من تيار دينى أو ليبرالي أو علماني.
وأشار السيسي إلي أن مرسي لو كان يدرك وزن وقدرة الجيش لما تعجل في إقالة طنطاوي وعنان.
وجاء نص التسجيل الصوتي كالأتي:
السيسي : إنت النهاردة لما تيجي تقول تحصين المؤسسة العسكرية في الدستور اللي جاي .
إنت بتحصنها لأن المؤسسة العسكرية دي كان ليها دور
مين يا ترى هيبقى مدرك إن الدور ده ليه امتداد
لفترة زمنية متقلش عن 5 – 10 سنة على الأقل
خلال المرحلة اللي جاية على الأقل ..مش كدا ولا إيه .
أيا مين كان اللي هيقود الدولة دي
يعني ..تيار ديني ..ليبرالي ..علماني ..أيا من كان اللي هيوصل للحكم ..
هيبقى عنده ..أنت النهاردة .إنت خلي بالك ..
انت عندنا في الجيش القرار بيتاخد بدقة شديدة جدا .
الكلمة تتقال ..ولا متتقالش ..الكلمة في المؤتمر تتقال ولا متتقالش بتتحسب .
فانت النهاردة تيجي تروح جاي تخلي أمر المؤسسة دي
بعد السنين الطويلة دية في حالة السيولة الموجودة فيها الدولة المصرية
والرخاوة اللي نسيجها بيعيشه..
تخلي حد يقوم يروح جاي يبقى يقدر ..
يبقى ليه سيطرة على المؤسسة دي بشكل كامل ....
دا يمكن يهدها من غير ما يحس ...وما يقصدش وما يقصدش .
وأنا أتصور إن هما عدم تقديرهم لرد فعل المؤسسة وحجمها
هو اللي خلالهم خدوا القرار بتاع المجلس الأعلى اللي فات .
هما لو كانوا مدركين لوزن وقدرة المؤسسة
كان فيه ناس كتير ما تفكرش تعمل كدا .
دا غيره كان بياخد قرار يصلي معانا العيد ..ولا ميصليش ..
يقعد يدرس فيه طول السنة ..ولا إيه ؟.