العادلي: متظاهرو 30 يونيو "ولاد ناس" مش زي بتوع 28 و29 يناير

وصف اللواء حبيب العادلي، وزير الداخلية الأسبق، 80٪ من متظاهري 30 يونيو ب"أولاد الناس"، وقال: "80% من اللي نزلوا في الشوارع ولاد ناس واللي قاعدين في البيوت مش زي بتوع العشوائيات وبتوع الأولتراس اللي شفناهم في 28و29 يناير"، في إشارة إلي المتظاهرين في ثورة 25 يناير.
ووفقا للتسجيلات الصوتية التي انفردت بنشرها الزميلة "اليوم السابع"، يقول العادلي لطبيبه الخاص: "لما قتلوا أبو شقرة - في إشارة إلي ضابط أمن الدولة الذي لقي مصرعه علي أيدي إرهابيين في سيناء - الناس نزلت دول أهلنا وإخواتنا اللي دفعوا التمن علشان كده الناس اتحركت وفهمت ونزلت الشارع".
ويضيف "نص اللي نزلوا في 30 يونيو ثم يتوقف قليلا ويستكمل كلامه بلاش نصهم 80٪ من اللي نزلوا في الشوارع ولاد ناس واللي قاعدين في البيوت مش زي بتوع العشوائيات وبتوع الأولتراس اللي شفناهم في 28و29 يناير لا لا". في إشارة الي المتظاهرين في ثورة 25 يناير.
ويستكمل "الناس اللي بتقولك الضابط ده إخواني وأخوك وابن عمك الدكتور والضابط والمهندس"، يقاطعه الطبيب "أكيد طبعا والإعلام إداهم الفرصة علشان يبقوا شهداء.. ولو شفت تاريخهم هتلاقيهم حرامية.. واحد رايح يولع أو يحرق في القسم ده شهيد ده ازاي؟!".
يتدخل ضابط الحراسة ويقول "الاخوان تلاقيهم عايزين يعملوا قانون لعدم التظاهر قدام المؤسسات والمنشآت الحيوية لكن تلاقيهم سايبين حازم صلاح ابو اسماعيل".. يقاطعه العادلي "قدام مدينة الانتاج الاعلامي".