شباب "فيس بوك" يطالبون بحرية التفجير السلمي

السادات هو من اغتال نفسه بالمطواة علشان يتهم بها الإخوان، وأحمد إبراهيم هو من فجر موكبه، كانت آخر تعليقات شباب فيس بوك على محاولة اغتيال أحمد إبراهيم ومحاولة الإخوان التهرب من اتهامهم بالتفجير، الشباب طالبوا ساخرين بحرية التفجير السلمي، وانتقدوا استعمال السيارات السلمية المفخخة كوسيلة للتعبير عن الرأي، "فيتو كافيه" رصدت أبرز تعليقات الشباب..
محمد أحمد سلامة: زمن السيارات "السلمية" المفخخة رجع.. طبعا كدولة محترمة.. لازم نديهم حرية التفجير السلمي!!
فارس السويفي: ونناشد وبكل قوة رئيس الجمهورية ووزارة الداخلية، المحافظة على أرواح الضحايا والإرهابيين، وهاتولهم عصير كابي.. دول برده إخواتنا وفصيل وطني والدم كله حرام وكدة...!!
محمد غالي: على فكرة السادات هو اللي اغتال نفسه بمطواة علشان يشيلها للإخوان برضه.
يسري فرج: طيب بالذمة انتو إرهابيين؟ ده انتو إرهابيين نص لبّة.. ده انتو لو قلتو أن في مكان فيه قنبلة هتنفجر.. الشعب هيروح قبلها بساعتين عشان يتفرج ع الانفجار.
سوسن عبد الوهاب: الإخواني هو ممثل قدير في تقمص شخصية المواطن المصري...
مريم سليم: الإخواني أفشل ممثل شوفته في حياتي، يا راجل دة تامر هجرس بيمثل أحسن منهم.
هشام محمد: وممثل بارع في تقمص دور الدم كله حرام والإنسانيه لما حد منهم يموت لكن أي حد تاني يموت يعمل من بنها.
إيهاب مؤمن: شكل الوزير في التليفزيون بعد الحادثة بيفكرني بمحمود ياسين في فيلم "الرصاصة لا تزال في جيبي"... دخل الحرب من أولها آخرها من غير ما شعره يتنكش!!!!
خالد السيناوي: - إيه ده؟؟؟ سيارة مفخخة؟؟؟؟ اتصل بالبوليس بسرعة؟؟؟؟ -أومال احنا إيه يا فندم؟؟؟ -احنا شرطة يا حيوان!!!!
فايزة العثماني: لحد امتى هتواجهوا الإرهاب بالعنف انتوا إيه متعرفوش حاجة اسمها حقوق الإنسان.. الدم _ نصه _ حرام.