"الإسباجتى بصوص البولنيز" على طريقة الشيف أيمن العطار

يقدم الشيف أيمن العطار طريقة عمل "الإسباجتى بصوص البولنيز "اللحمة المفرومة "
المكونات:
1 كيلو إسباجتى مسلوقة
مكونات الصوص:
نصف كيلو لحمة مفرومة
1 بصلة مفرومة
1 جزرة مبشورة
1 عود كرفس مفروم
1 ملعقة ثوم مفرومة
1 ملعقة صغيرة زعتر
1 ملعقة صغيرة ريحان مفروم أو بودرة
ملح وفلفل أسود
1 معلقة كزبرة ناشفة
نصف حبة جوز الطيب مبشورة
1 معلقة كبيرة صلصة طماطم
2 كوب كبير عصير طماطم
جبنة بارميزان أو رومى أو شيدر مبشورة للتجميل، مع معلقة بقدونس مفروم
الطريقة:
- نضع فى وعاء على النار قليلاً من الزيت، تعصج اللحمة المفرومة، ويتم رفعها من على النار ووضعها فى مصفاة كبيرة.
- تصفى كل الماية بتاعتها وده مهم جدًا عشان الصوص ينجح معاكى ويكون طعمه كويس، بعد كده هنجيب وعاء تانى ونحط فيها شوية زيت ونضيف البصل والجزر والكرفس ونقلبهم كويس أوى لحد ما البصل يبتدى لونه يتغير معانا، هنضيف الثوم مع التقليب بعد كده هنضيف الكزبرة الناشفة واللحمة المفرومة ونقلب كل ده مع بعضه كويس، بعد كده هضيف الصلصة والطماطم على اللحمة وهتبل بالملح والفلفل والزعتر والريحان ولو لقيتها محتاجة شوية مية ممكن تضيفى، وبضيف فى الآخر جوز الطيب وبسيب كل ده يغلى مع بعضه، بعد كده تقدم المكرونة فى أطباق التقديم وبنحط الصوص على الوجه وبنضيف الجبنة المبشورة وتزين بالبقدونس المفروم.