حنان تكشف لأول مرة كواليس زواجها من سامح الصريطي

حنان وسامح الصريطي، كشفت الفنانة حنان، كواليس زواجها من الفنان سامح الصريطي، وسر قصة الحب السريعة التي جمعتهما.
قصة العلاقة بين سامح الصريطي وحنان
وقالت الفنانة حنان خلال لقائها ببرنامج "صاحبة السعادة" الذي تقدمه الإعلامية والفنانة إسعاد يونس بقناة "دي إم سي": "أعرف سامح الصريطي من 4 سنين ونص شوفته في ندوة جنب بيته واتقابلنا واتكلمنا شوية وبعدين عرفت ان بنته ابتهال صديقة لابني هشام، ومرة كنت بسأله عن ابتهال فقال لي أنها تعبانة جدا بسبب مرض وتعب والدتها وطلب مني اني اروح بيتهم يمكن أخفف عنها شوية، فقلت له انا هجيلكم وازورها وروحت".

ثقافة وفكر وعقلية سامح الصريطي
وأضافت: "كنا بنتكلم أنا وسامح الصريطي كل شهرين مرة وبعدين نتكلم صدفة ومفيش بينا إلا الصداقة ولكني كنت باحترمه كشخص وممثل، وبعد كده الموضوع تطور لوحده في وقت قصير وبسرعة أوي هو كان بالنسبة لي صديق وكل فترة كنت اكلمه اقوله علي حاجة مضيقاني وهو كان بيعزمني علي الندوات الثقافية وعنده اصحاب مثقفين ومن الفنان، دماغه حلوة واغراني بدماغه ونفس افكاري وطريقتي وفضلنا اصدقاء لمدة طويلة الا ان مرة كتب لي قبل ما يقولي انتي وحشتيني كنا بدأنا نتكلم بشكل أسرع وكان فيه مشكلة اني بسافر المانيا فكانت العلاقة بتنقطع، وبعدين جاء مرة لقيته بيقولي تعرفي انك وحشتيني قلت له متشوفش وحش، وبعدين قلت له تعالي تتغدا عندنا فقال لي هتغدا النهاردة فأنا اتخضيت وقلت له تمام منتظرينك".

أول ظهور ل سامح الصريطي وزوجته حنان مع إسعاد يونس في "صاحبة السعادة"
سامح الصريطي: مشهد الانتخابات الرئاسية أخرس كل الألسنة المناهضة للدولة (فيديو)
طلب سامح الصريطي الزواج من حنان
ولفتت: "لما سامح الصريطي زارنا قمت طبخت وده نادر لما اعملها وكلمت هشام وكان في مشوار في التجمع وجاء سامح الصريطي وطول الوقت قاعد بيتكلم في التليفون، هو عنده مزرعة حلوة الا البقدونس اللي انا باكله مع أي أكل، وهو جاي ليا جاب ليا حزمتين بقدونس وقال لي والله دوخت لحد لما لقيته، وانا والله فرحت جدا انه جابلي البقدونس، بس بعد القعدة فقال لي احنا اتكلمنا وعرفنا بعض ما تيجي نتجوز، ومش فاضل غير اننا نتجوز، فأنا في الأول افتكرته بيهزر لقيته بيقولي انا بتكلم بجد فأنا بلمت واتخضيت بس مكنتش زعلانة، شوفته في قعدات كتير وكنت عاملة سيناريو في دماغي انه اكيد له شخصية في دماغه وفيه حد في حياته وهو مخبي، ولقيت ان البنات الصغيرين بيحبوه فكنت اقول ايه الراجل ده محترم جدا لإنه بيحترم الست اللي يعرفها لإنه مع كل البنات والستات نفس الشخص وهو محترم اخلاقيا وده اللي كان بيخليني اروح عنده البيت في الندوات وكل حاجة ولقيته شخص أمين ومحترم وعاقل، ولما اتكلم معايا في الجواز كنت انا كمان اسبوع ورايحة المانيا فقال لي خدي وقت وفكري، وبعدين لما سافرت المانيا اتكلمنا تاني وارحت في الكلام معاه ووافقت بشرط موافقة ولادي هشام وأميرة، وموافقة بناته ابتهال واية وده اللي حصل فعلا".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الأدبية والفنية.