منة شلبي عن سر مناداتها بلقب دكتورة: أصل أنا شاطرة وخبرة (فيديو)

منة شلبي، قالت الفنانة منة شلبي:"القريبين مني أوي دايما بيقولولي أوقات يا دكتورة علشان انا شاطرة في الإسعافات الأولية وبعد الأولية بقدر أنقذ".
تشخيص منة شلبي
وأضاف خلال الجزء الثاني من لقائها ببرنامج "سهرانين" الذي يقدمه الفنان أمير كرارة بقناة "أون إي":"لو حد كلمني وقال لي القولون تعني فأنا اقدر اقوله خد علاج معين وكذا كذا وفيه حاجات معينة بقدر اسد فيها".

علاج منة شلبي لأقاربها
وتابع منة شلبي:"صاحبي القريبين مني أوي بيقولولي يا دكتورة منة احنا مبنروحش لدكتور غيرك وعندنا كذا كذا قوليلنا هنعمل ايه".

خبرة منة شلبي في العظام
ولفتت:"انا بفهم في علاجات الجيوب الأنفية والقولون والمعدة وضهري اتكسر قبل كده فبقى عندي خبرة في موضوع العظام واقدر افرق ان حد عنده كدمة او شرخ او كسر".

منة شلبي: كنت كارثة في فيلم الساحر (فيديو)
منة شلبي تتحدث عن والدتها زيزي مصطفى: ست استثنائية ضحت بشغلها لتربيتي (فيديو)
قصة خلاف منة شلبي مع هند صبري
في نفس اللقاء، قالت الفنانة منة شلبي:"انا وهند صبري كنا متخانقين ومكنش لينا في بعض أوي، طلعنا احنا الاتنين مع بعض كانت هي بتعمل فيلم مواطن ومخبر وحرامي ومذكرات مراهقة، وانا كنت بعمل الساحل وبحب السيما، وادوارنا كانت جريئة في الفترة دي".
وتابعت:"في الفترة اللى انطلقنا فيها انا وهند صبري كان يجي حد يخلينا نسخن علي بعض ويقولي دي متبحبكيش وانا اقول دي مبتحبنيش ازاي يعني ويقولها نفس القصة، وبعدين اشتغلنا مع بعض فيلم أحلى الأوقات، وكل واحدة فينا كانت كتفها كان عالي علي التانية، بس محترمين، وكان وسطنا حكم اعظم في وسطنا ست البنات حنان ترك".
وتابعت:"برغم اني انا وهند صبري مش قريبين من بعض بس كان فيه ود شديد صنعته حنان ترك لإنها كانت قريبة مننا احنا الاتنين، وخلص فيلم احلى الأوقات لا حرب ولا سلم ومفيش حاجة، وبعدين جالنا فيلم بنات وسط البلد، فالمخرج محمد خان كلمني فوافقت وقلت له مفيش مشكلة وروحنا نعمل بروفة قراءة عنده في البيت بالمعادي واحنا بنفتح النسخة بصيت لهند صبري وقلت لها فيه كلام عايزة اقولهولك وهي كمان قالت لي وانا كمان وعرفنا ان فيه شوية ناس استغلت شوية تفاهة وصنعوا المشكلة ما بيننا ولكن فيه احترام لرحلتنا وشقانا وتعبنا وجرأة في الأعمال عن حب شديد للشغلانة، وتفاهمنا وانتهى سوء التفاهم اللي بينا واتصافينا".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.