السيسي: لو خفضنا أسعار تذاكر القطارات والمترو هنضيع الأصل، ودول أفريقيا مبتقدمش دعم لمواطنيها

مؤتمر حكاية وطن، قال الرئيس عبد الفتاح السيسي: "الفريق كامل الوزير اتكلم عن السكة الحديد ومترو الأنفاق، بقولكم يا مصريين دي أرصدة مصر وأصولها، لما تيجي تتكلم عن أصل ب200 أو 300 مليار جنيه تكلفته كده لكن لو احنا اختزلنا العلاقة بتاعة الأصل في تخفيض سعر التذكرة انت بتضيع الأصل".
أزمة دعم تذاكر المترو والسكة الحديد
وتابع خلال مؤتمر "حكاية وطن": "لو جيت كمستثمر أجنبي وحبيت اخد مترو اشغله واكسب منه مش هاخده منك يا كامل، طيب انت كلفته 100 أو 200 مليار جنيه طيب الناس لازم تعرف أنه جاي قرض يعني سلف، والحكاية إن كامل بياخد الجانب الجميل اللى هو إن احنا نخلي التذكرة متغلاش وأنا ببص علي التجربة الفكرة كانت كده في ال50 سنة اللي فاتوا، وبالنسبة لمترو حلوان كامل الوزير طلب مني 25 مليار جنيه علشان نرفع كفائته قلت لك يعني انت جايلي دلوقتي والمترو مبيجيبش تكاليف تشغليه مش صيانته واحلاله ودلوقتي تطويره ب50 مليار جنيه، أنا أثير النقطة دي لأنها محل قلق وخوف من المسئولين والحكومة طيب انتوا فرحانين انكم افتتحتوها وجميلة ولا المهم انها تفضل جميلة يا كامل، يبقى علشان تفضل جميلة يبقى التشغيل يكون اقتصادي، وانا بقول الكلام ده وانا داخل انتخابات وفيه انتخابات، انتوا عايزين دولة ولا عايزين أي حاجة هنضحك علي بعض، عايزين دولة يبقى التيريليون جنيه اللى اتصرفوا في قطاع السكة الحديد يجيب تريليون ولا عشرة تريليون؟ لأ لازم الفك يبقى اقتصادي لضمان الحفاظ علي الأصل".
تسعير تذاكر القطار الكهربائي السريع
ولفت: "لو أنا النهاردة جيت قلت لمستثمر تعالى خش وخد القطار الكهربائي السريع اللي اتكلف 25 مليار دولار، هيقولي طب والتسعير هقوله اصل منقدرش هيقولي طيب خليه عندك بقى خليهولك، تبقى انت ملتزم تشغله وتعمله احلال وصيانة وتدفع القرض ال25 مليار دولار، حد يقولي طيب متعملهوش حاضر منعملهوش طيب المناطق اللوجستية متعملوهاش والموانئ ايضا متعملوهاش طيب انتوا عايزين تبقوا بلد ازاي وتاخدوا مكانكم على الخريطة ازاي؟ الكلام ده بقوله علشان الناس تعرف الدولة بتتعمل ازاي".

السيسي ل كامل الوزير: المشروعات لازم تخلص في 2025 حتى لو أنا مش موجود معاكم
حكاية وطن، الرئيس السيسي يشهد فيلمًا تسجيليًا عن إنجازات قطاع الإسكان من 2014 – 2023
دعم الدول الإفريقية للشعوب
وأكمل: "عديت على دول أفريقية كتير وشوفتها كانت ماشية إزاي وبسألهم بتقدموا دعم إيه، وزير الخارجية يجيب تقرير يقوله للناس، قالي مفيش دعم بنقدمه ولا كهربا ولا بترول ولا أكل ولا حاجة للزراعة مبيقدموش أي دعم، أنا بسأل علشان اتعلم واشوف بلدي هي كده ليه".

نقدم لكم من خلال موقع (فيتو) ، تغطية ورصد مستمر علي مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.