محمد رمضان يكشف عن مشاجرة مضحكة له في الطفولة

كشف الفنان محمد رمضان، حقيقة مشاجراته في فترة الطفولة والمراهقة، مؤكدًا أنه ليس لديه تاريخ من المشاجرات واختلاق المشكلات مع أقرانه.

مشاجرة محمد رمضان
وقال محمد رمضان خلال الجزء الثاني من لقائه ببرنامج "صاحبة السعادة" الذي تقدمه الإعلامية إسعاد يونس بقناة "دي إم سي":"مفيش في حياتي إلا خناقة مضحكة في فترة الطفولة لما كنت عندي بيت خالي ونزلت ألعب كورة في الشارع مع ناس ماعرفهاش وحصلت خناقة بيني وبين واحد فضربته وجري".

صيام محمد رمضان ينقذه من الضرب
وأضاف:"الولد اللى جري أتاريه رايح يجيب منطقته وأنا لوحدي لاقيت منطقته كاملة داخلين ماسكين خشب روحت رافع أيدي وقولت لهم أنا هقول لكم كلمة واحدة بس أنا صايم، فمشيوا والموضوع خلص بالكلمة دي".

محمد رمضان: محدش وصل ل نمبر وان قبلي وغنايا مخلوق جديد هيتعرف بعد 40 سنة
محمد رمضان: عمر الشريف أبويا الروحي وأنقذني من الغرق

في نفس اللقاء، قال الفنان محمد رمضان:"أنا قبل لما أقول نمبر وان كنت متأكد بالدلائل أن محدش تخطاني في اللى أنا وصلت له ومحدش حقق اللى وصلت له قبلي".

مخلوق محمد رمضان الغنائي
ولفت: "أنا مش بغني راب ولا تراب ولا مهرجان، لكن النوع اللى أنا بقدمه مخلوق جديد وملهوش مسمى ويمكن بعد 40 او 50 سنة يبقى نوع جديد ويتسمى مثلا باسم رمضان، أنا طلعت بنوع الغناء بتاعي بناء على فكر ورؤية وقدمت شيء عجب الجمهور وعلشان أنا شخص ذكي بكرر نفس المشروع في الإعلانات والأغاني المستقلة، ولو أغنية نمبرا وان مكنتش نجحت كنت خسرت الممثل والمغني، ويبقى خسرت كل حاجة".

نوع المزيكا الخاص ب محمد رمضان
وتابع محمد رمضان: "قبل ما اختار النوع دورت على نوع المزيكا اللى يتناسب مع صوتي فلقيت نوع برازيلي يتناسب مع صوتي وبعدين دورت مع الكلمات اللى تناسب مع الشخصيات اللى مثلتها فأخترت نوع يليق مع الشخصية بتاعتي وصوتي والأدوار اللى اتعرفت عني بعيدا عن الراب والتراب والطرب الشرقي، النهاردة نمبر وان بتتحط علي حفلات التخرج وفي كل شيء".
ونقدم لكم من خلال موقع "فيتو"، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.