بهاء سلطان يطرح أغنيته الجديدة "العمر كله" على يوتيوب (فيديو)

طرح المطرب بهاء سلطان عبر موقع الفيديوهات الشهير يوتيوب أحدث أعماله الغنائية ، والتي جاءت بعنوان "العمر كله" من إنتاج شركة روتانا.

أغنية العمر كله
و أغنية العمر كله من كلمات خالد تاج الدين، ألحان وليد سعد، توزيع أحمد إبراهيم.
كلمات أغنية العمر كله
وتقول كلمات الأغنية: "العمر كله.. عيشتهولك خدت ايه.. هو اللي قلته عليك قلته من شوية.. انت السبب ف اللي جرا ووصلنا ليه.. ماتسيبني اجرب حد تاني جديد عليا.. انشالله تفضل 100 سنة واقف كده.. انا مش هكمل يوم كمان في الظلم ده.. رجعلي عمري اللي سرقته مني تاني.. ياتسيبني امشي وبالسلامة خلاص كده".

"الدنيا لسه فيها غيرك ناس كتير.. وهلاقي حد يعوض.. اللي شفته منك.. انا بعترف مكنش فيه زيك كتير.. كرهتني حتى اني اسمع كلمة عنك.. انشالله تفضل 100 سنة واقف كده.. انا مش هكمل يوم كمان في الظلم ده.. رجعلي عمري اللي سرقته مني تاني.. ياتسيبني امشي وبالسلامة خلاص كده".

أغنية سيجارة
و طرح الفنان بهاء سلطان مؤخرا أغنيته الجديدة بعنوان "سيجارة" وذلك على موقع الفيديوهات الشهير "يوتيوب".

أغنية بهاء سلطان "سيجارة" من كلمات نصر محروس ومن ألحان عمرو مصطفي وتوزيع موسيقي أمير محروس.

بهاء سلطان
وكان المطرب بهاء سلطان حل مؤخرا ضيفا على برنامج النجمة أنغام والمذاع على قناة DMC حيث تحدث عن العديد من الجوانب الفنية والتفاصيل الشخصية.

وقال بهاء سلطان خلال استضافته في البرنامج: "بحب آخد رأي مراتي في الأغاني ودايمًا بيطلع صح، ولما تقول لي الأغنية دي جامدة وهتسمع ده اللي بيحصل".

ولفت بهاء سلطان: "مراتي فرقت معايا كتير، وهي دايمًا بتقدم لي النصايح اللي بتخليني أكون ناجح في الأغاني".

وقال الفنان بهاء سلطان إن أغنية "قوم أقف" كانت مفاجأة بالنسبة للناس نظرًا لنوع المزيكا والكلمات ولكن في النهاية لاقت نجاحًا كبيرًا، مؤكدًا أن الفنان تامر حسني كان يصر علي تقديمه الأغنية.

وأضاف خلال لقائه ببرنامج "أنغام" الذي تقدمه الفنانة أنغام بقناة "دي إم سي":"ال7 سنين اللى فاتوا كنت بحب أسمع موسيقى تركي والشيخ محمد عمران، خاصة ابتهال يا سيد الكونين".

وتابع: "قبل الأزمة اللي مريت بيها الفترة اللي فاتت كنت بسمع أم كلثوم ومحمد عبد الوهاب، وأخويا الكبير الله يرحمه كان بيقول لي اسمع عمك عبده الإسكندراني صوته حلو، وفي الثانوية جبت 58% وقال لي قدم تربية موسيقية علشان انت صوتك حلو ولما دخلت الكلية اختاروني في فرقة عبد الوهاب بالكلية وفهمت يعني إيه النزعة والجواب، والدكتور رامي كامل علمني البيانو وعلمني برضو إزاي اطلع صوتي كويس".

واختتم بهاء سلطان قائلا: "الشيخ محمد عمران فرق معايَ في الغناء، وجمال صوتي وحلاوته من كتر ما سمعته، وفي أزمتي لما كنت بسمع ابتهال فكم لله من لطف خفي، كنت بقرب لربنا وحياتي بتتظبط وأزمتي بتتفك وتنتهي".
بهاء سلطان يطرح أغنية سيجارة (فيديو)
بعد "قلب أسود".. بهاء سلطان يستعد لأغنية جديدة
ونقدم لكم من خلال موقع (فيتو)، تغطية ورصدا مستمرا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.