قال الفنان بهاء سلطان: "مراتي بتحب صوتي والغناء، وهي كمان بتغني وكانت في معهد فنون مسرحية بس ما كملتش". رأي زوجة بهاء سلطان وأضاف خلال الجزء الثاني ببرنامج "أنغام" الذي تقدمه الفنانة أنغام بقناة "دي إم سي": "بحب آخد رأي مراتي في الأغاني ودايمًا بيطلع صح، ولما تقول لي الأغنية دي جامدة وهتسمع ده اللي بيحصل".
نصائح زوجة بهاء سلطان في أغانيه ولفت بهاء سلطان: "مراتي فرقت معايا كتير، وهي دايمًا بتقدم لي النصايح اللي بتخليني أكون ناجح في الأغاني".
وقال الفنان بهاء سلطان إن أغنية "قوم أقف" كانت مفاجأة بالنسبة للناس نظرًا لنوع المزيكا والكلمات ولكن في النهاية لاقت نجاحًا كبيرًا، مؤكدًا أن الفنان تامر حسني كان يصر علي تقديمه الأغنية.
ابتهالات الشيخ محمد عمران وأضاف خلال لقائه ببرنامج "أنغام" الذي تقدمه الفنانة أنغام بقناة "دي إم سي":"ال7 سنين اللى فاتوا كنت بحب أسمع موسيقى تركي والشيخ محمد عمران، خاصة ابتهال يا سيد الكونين".
مجموع بهاء سلطان في الثانوية ولفت: "قبل الأزمة اللي مريت بيها الفترة اللي فاتت كنت بسمع أم كلثوم ومحمد عبد الوهاب، وأخويا الكبير الله يرحمه كان بيقول لي اسمع عمك عبده الإسكندراني صوته حلو، وفي الثانوية جبت 58% وقال لي قدم تربية موسيقية علشان انت صوتك حلو ولما دخلت الكلية اختاروني في فرقة عبد الوهاب بالكلية وفهمت يعني إيه النزعة والجواب، والدكتور رامي كامل علمني البيانو وعلمني برضو إزاي اطلع صوتي كويس".
الشيخ محمد عمران وأشار: "الشيخ محمد عمران فرق معايَ في الغناء، وجمال صوتي وحلاوته من كتر ما سمعته، وفي أزمتي لما كنت بسمع ابتهال فكم لله من لطف خفي، كنت بقرب لربنا وحياتي بتتظبط وأزمتي بتتفك وتنتهي". بهاء سلطان: جبت في الثانوية 58%.. وابتهالات الشيخ محمد عمران سر انتهاء أزمتي أنغام ل بهاء سلطان: بحبك وبستمتع بحلاوة مغناك.. والفنان يعلق أغنية قلبك يا حول الله وعن أغنية "قلبك يا حول الله" من ألحان تامر عاشور، علق بهاء سلطان: "كنت محظوظ فيها، ودايمًا ربنا بيبعت لي ناس حلوة تختار لي الصح".
