تامر عبد المنعم ينتصر لمحمد رمضان ضد أسرة فريد شوقي ويهاجم أصالة (فيديو)

كشف الفنان تامر عبد المنعم، السر وراء اعتذاره عن المشاركة مع محمد رمضان في مسلسل "جعفر العمدة"، مؤكدًا أنه كان مرتبطا بعمل تابع لوزارة الثقافة في الخارج لذلك اعتذر عن المشاركة.

تصريحات محمد رمضان عن فريد شوقي
وعن تصريحات محمد رمضان السلبية بشأن الفنان الراحل فريد شوقي، علق تامر عبد المنعم خلال الجزء الثاني من لقائه ببرنامج "في اَي بي" الذي تقدمه الاعلامية اميرة بدر بقناة "هي": "محمد رمضان صدق لما قال إن فريد شوقي سبقه في تقديم أدوار البلطجي، وعنده حق في اللى قاله، فين المشكلة بقى؟!".

أدوار فريد شوقي
وأضاف: "أسرة فريد شوقي زعلانة من محمد رمضان ليه؟ محدش قلل من قيمة الفنان الكبير فريد شوقي الملك وحش الشاشة ولكنه أيضا كان ملك الترسو، وقدم أدوار كثيرة فيها دور البلطجي والفتوة اللي بياخد حق الناس، وهو ده اللى محمد رمضان كان قصده عليه ولكنه لم يسئ لفريد شوقي فين المشكلة زعلانة من إيه حفيدة فريد شوقي؟ إيه العيب بقى؟ مش هو لوحده، فيه توفيق الدقن ومحمود المليجي قدموا دور البلطجي وفي النهاية محمد رمضان بيؤدي دور".

حقيقة عمرو خالد
ومن جانب اَخر، أكد تامر عبد المنعم:"الداعية عمرو خالد إخوان، ومن الخلايا النشطة اللي اشتغلت على الصفوة في مصر".

تامر عبد المنعم يهاجم أصالة
وهاجم تامر عبد المنعم، الفنانة أصالة بعد إنكارها فضل مصر عليها، قائلا: "لا تنكري البلد اللي انتي عايشة فيها وعملتك نجمة".

تامر عبد المنعم يتحدى خالد الجندي ويطالبه بتناول لحم الحمير على الهواء (فيديو)
تامر عبد المنعم يكشف سر تبني فريد الديب قضية قاتل نيرة أشرف (فيديو)
في نفس اللقاء، فتح الفنان تامر عبد المنعم، النار على الداعية خالد الجندي والإعلامي تامر أمين، بعد مطالبتهما الناس بتناول أكل الحمير والكلاب، قائلا: "هي وصلت لكدة؟! بتحللوا أكل الحمير والكلاب، طيب ما تيجوا نشوي شوية عِرَس ونحشيها شوية رز وناكلها، ايه ده".

هجوم تامر عبد المنعم علي خالد الجندي وتامر أمين

وتابع:"ما يصحش اللى خالد الجندي وتامر أمين بيقولوه ده، انا عندي حاجة اسمها غيرة على بلدي وعلى الفقير حتى في بلدي، عيب تقول كل لحم حمير وقزق رجلين الفراخ".

تصريحات خالد الجندي وتامر أمين

وأضاف:"ايه الكلام الفاضي والفارغ اللي بيحصل ده، هو مفيش واحد يقول للناس ده عيب، الشعب المصري هتأكلوه كلاب وحمير ونهوهو، انا معرفش ليه خالد الجندي قال اللى قاله ده".

وأكمل:"انت هتاكل لحم حمير يا شيخ خالد الجندي؟ انت هتاكل ديل كلب مسلوق مثلا واحنا مش عارفين؟ اطلع كل الحمار علي الهواء متقوليش انا اكل حمير، اقسم بالله لو قصادي قيل هذا الكلام ليبقى فيها محاكمتي، توصل تقول للناس كلوا حمار ولسان الفار".

تامر عبد المنعم يطالب بمحاكمة خالد الجندي وتامر أمين
واستطرد:"المصريين دول شموخ وكبرياء وعظمة وعمرنا ما كنا بنتعامل بالفلوس ولا بنتكلم بالفلوس طول الوقت فيه فقر وفيه ازمات ومشاكل ومش هيجي انيل من نكسة 1967 ولا ازخم من الأيام اللي شوفناها في 2011، وايام ازمة الأمن المركزي، لكن متوصلش تطلع في التليفزيوني وتخلي عيل من دولة تانية يطلع يتريق عليا انا كمصري وعلي جنسيتي ويقولي روح كل كلب ولا حمار، انت مش فاهم يا خالد يا جندي بتعمل ايه ومش اهل انك تطلع في التليفزيون، انت عارف المصري اللى قاعد دلوقتي في الكويت ولا قطر ولا اي دولة عربية بيشتغل صحابه ممكن يتريقوا عليه، انت ازاي تهنا كده؟ لو كان الأمر بيد لحاكمت خالد الجندي وتامر أمين لابد من محاكمتهم".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.