عزة بهاء: اتجوزت 3 مرات واكتشفت خيانة زوجي التالت يوم دفنته (فيديو)

كشفت الفنانة عزة بهاء، كواليس زيجاتها الثلاثة وأسرار الانفصال وتجربتها في الحب بالعقل والقلب، وذلك خلال لقائها ببرنامج "الستات" الذي تقدمه الإعلامية سهيرة جودة بقناة "النهار".

زيجات عزة بهاء
وقالت عزة بهاء:"اتجوزت 3 مرات بدون استمرار والتوفيق مكنش حليفي خلال كل التجارب، وممكن يكون طبعي متعب، ودايما أعطي كتير وفجأة مبلاقيش النتيجة اللي أنا عايزاها، أي عطاء مفرط بدون أي مقابل لذلك كنت أحسم موقفي بالطلاق".

قصص الحب وفشل الزيجات
وأضافت:"المشكلة مش في الشخص ولكن الاختيار بتاعي في ال 3 زيجات كان خاطئ، وأول زيجة كان القلب هو المتحكم واتجوزت خالد بركات عن حب وأنا صغيرة وبعد كده كان ليا تجربة إلى حد ما كان فيها قلب وعقل ولكن موفقتش".
أطول زيجة لعزة بهاء
وتابعت:"مكنش عندي مقياس معين في زيجاتي، والزيجة الثانية قعدت 9 سنين لإنها كانت قائمة علي الحب والعقل، ولو كان فيه أولاد ممكن كنت كملت".

تجربة قاسية لعزة بهاء في الزيجة الثالثة
ولفتت:"تجربة الزواج الثالثة انتهت بوفاته بعد سنتين، واكتشفت خيانته ليا بعد وفاته واتجوز عليا من غير ما أعرف وملحقش يبرر ليا اللى عمله وعرفت القصة يوم دفنته وكان متجوزها بعدي، والقصة دي وجعتني ومبقتش عارفة احزن عليه ولا أحزن علي نفسي، ودى أقوى صدمة اتعرضت لها".

عزة بهاء تكشف اسم المخرج الكبير صاحب شائعة زواجها عرفيا (فيديو)
عزة بهاء: اتجوزت 3 مرات.. ومبسامحش في الكدب والخيانة |فيديو

وفي نفس اللقاء، قالت الفنانة عزة بهاء:"رفعت قضية على المخرج الراحل عادل صادق علشان هو قال إنه اتجوزني عرفي وكسبت القضية".
سر رفض الزواج من عادل صادق
وأضافت:"عادل صادق هو كان بيحبني وعرض عليا الزواج ولكن أهلي رفضوا لفارق السن الكبير وأمور أخرى، ولكنه افتكر يورطني بنشر الشائعة".
مشكلة عزة بهاء الفنية
ولفتت عزة بهاء:"العلاقات العامة الضعيفة ظلمتني وانا شايفة إني معنديش ذكاء فني، وعلشان كده ملقتش نفسي بقوة في الوسط، ولحد وقت قريب كنت بتكسف ولما كنت أدخل الأستوديو مكنتش بكلم حد واروح أوضتي على طول والناس كانت مفكراه تكبر ولكن ده كان خجل".

وفي وقت سابق، كشفت الفنانة عزة بهاء، عدد زيجاتها، مؤكدة أنها تزوجت 3 مرات، متابعة:"اتجوزت مرة وتانية اتوفى وفي المرة التالتة اتطلقت".
عطاء الحب لدى عزة بهاء
وأضافت خلال لقائها ببرنامج "كلام الناس" المذاع علي قناة "ام بي سي مصر":"الحب مش صح مع كل الناس، فيه ناس ممكن تقدر كمية العطاء وفيه ناس مبتقدرش وبتعتبره حق مكتسب وبيستقبل الحب من الست وكإنه أمر عادي".
وتابعت:"الحب مع البني اَدم اللى يستحق يؤتى ثماره ولكن فيه ناس كتير متستحقش، وبوقف عطائي مع الشخص اللي مبيقدرش بس في نهاية صبري".

وأكدت:"مبسامحش الرجل في الكدب والخيانة، وفيه كدب صعب الواحد يسامح فيه لما الشخص يكون متعمد يخبي أو يقول تفاصيل مزيفة".

وكشفت الفنانة عزة بهاء، تفاصيل أزمة الملابس الخليعة في فيلمها "انتقام امرأة" مع بطل كمال الأجسام الشحات مبروك.

مفاجأة قميص النوم
وقالت:"وقت مشاركتي مع الشحات مبروك كانت أفلام المقاولات هي المسيطرة علي السينما في تلك الفترة، وقتها لقيت الريجستير بيكلمني في التليفون وقال لي بيبلغوكي البس قميص نوم كت، وقتها أخدت قميص نوم بكم وده اللى كان متوفر عندي وروحت التصوير، وكانت مشكلة يومها وعملت المشهد".

مشكلة عزة بهاء
ولفتت:"تم إجباري علي لبس قميص النوم خلال فيلمي مع الشحات مبروك، والفكرة اني مش برفض لبس قميص النوم ولكن انى اتفاجئ بلبسه وهو مش موجود في العمل ده اللى حاجة صعبة وبرفضه".

ونقدم لكم من خلال موقع (فيتو) ، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.