قال الفنان هاني رمزي:"عندي فوبيا من الزمن، أحلامي كتيرة جدًّا وأنا ما أعرفشي عمري قد إيه، وعلشان كدا أنا في سباق مع الزمن". حسابات هاني رمزي للزمن وأضاف خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "أنا خايب أوي في موضوع عمل حساب للزمن، وأنا مسرف جدًّا ودايمًا اللي في إيدي مش ليَّ وفي نفس الوقت فيه مسؤوليات كتير".
رزق هاني رمزي وأكمل: "عمر ما ربنا سابني في لحظة، وأنا حملي كله على ربنا وراضي بأي حاجة، واللي أنا فيه كتير عليَّ".
علاقة هاني رمزي مع عادل إمام وعن علاقته بالزعيم عادل إمام، قال: "هو نجم النجوم وفنان فريد من نوعه ورمز من رموز الفن العربي ونفخر به وهو زعيم في كل حاجة حتى في تفكيره وبسيط بساطة غير طبيعية رغم النجومية والشهرة والمجد اللي شافه". موقف مؤثر للزعيم عادل إمام وتابع: "ما أنساش ومسلسل اللص الذي أحبه، بيتعرض، ولقيت الفنان عادل إمام بيكملني في التليفون وأنا مش مصدق إنه عادل إمام، وبيقول لي أنا جِبت تليفونك ومبسوط أوي من دورك وهيبقى ليك مستقبل جامد جدًّا، وأنا من سعادتي ما كنتش عارف أرد عليه، وقال لي أنا حبيتك في الدور".
موقف عادل إمام وأضاف: "عادل إمام لو اتفرج على فيلم معين ألاقيه اتصل وبارك وكإنه بيبارك لابنه، ولما اشتغلنا في فيلم غبي منه فيه، كان ابنه رامي المخرج، فكانت مشاعر عادل إمام مع ابنه مشاعر الأبوة، ويتصل بيَّ ويقول لي هو عامل إيه وأخرج المشهد إزاي فأقول له ما تخافش عليه دا اتربى في بيت زعيم الكوميديا، وكان يجي يزورنا في اللوكيشن وعايز يساعدنا ويحط لنا إفيهات، وقربنا منه بشكل أسري وبقينا أصدقاء وبقى صديق والدي وإخواتي، وهو بالنسبة لنا حاجة كبيرة". ولفت: "أنا اتمنيت أمثل بسبب مسرحية شاهد ما شافش حاجة، وشُفت طفل وطفلة بيمثلوا مع عادل امام على المسرح وقتها انبهرت بهذا العالم". وأشار: "عادل إمام ما يقدرش يقعد لوحده ولو غِبنا نلاقيه بيتصل بالتليفون ويقول لي لازم تيجي لي وتعالى نتعشا سوا ونشرب شاي، وكل سنة لازم يلمنا كلنا في الساحل الشمالي". عادل إمام، شقيق الزعيم يكشف حقيقة تعاقده على إعلان دعائي جديد هاني رمزي يكشف حقيقة خلافه مع محمد فؤاد (فيديو) وكشف الفنان هاني رمزي، في الجزء الأول ببرنامج "حبر سري" الذي تقدمه الإعلامية أسما إبراهيم بقناة "القاهرة والناس" حقيقة محاولته تقليد الفنان رامز جلال، خلال تقديم برنامج المقالب. تقليد هاني رمزي وقال هاني رمزي: "أنا ما قلدتش رامز جلال، هو أنا لو عملت فيلم أبقى بقلد رشدي أباظة، ومش كل واحد عمل برنامج مقالب يبقى بيقلد رامز جلال".
نجاح برنامج مقالب هاني رمزي وتابع: "برنامج المقالب اللي قدمته نجح جدًّا وما كررتش التجربة لأني مش لاقي فكرة كويسة، ولو فيه فكرة كويسة هعملها وحد ينتجها لي وقناة تعرضها".
وأضاف: "برنامج المقالب بتاعي نجح وجاب إيرادات كويسة بدليل إنه اتعرض 4 سنين ورا بعض، أنا قلبي ضعيف جدًّا ومفيش حد من النجوم كان عارف بالمقلب".
وقوع هاني رمزي فريسة لرامز جلال ولفت: "أنا كنت واقع فريسة ل رامز جلال مرتين، وما كنتش أعرف إلا إني رايح أسجل برنامج عادي، بس أنا فعلًا قلبي ضعيف وكنت بخاف عليهم بجد".
رفض وليد توفيق عرض المقلب وأكد: "فيه ناس بعد ما وقعوا في المقلب رفضوا الحلقة تتعرض مثل الفنان وليد توفيق وحلقته اتلغت بس مفيش مصري رفض".
خلطة مقالب هاني رمزي واستطرد: "أنا عملت المقالب بخلطة وإحساس وقلب هاني وهي مختلفة تمامًا على اللي بيقدمه رامز جلال وبحب أكبر الصغير قبل الكبير، بعيدًا عن التجاوزات والحلقة تضيف ليه مش تقلل من رصيده".
مقلب عزت أبو عوف ولفت: "ببرنامج هاني في الأدغال، كنت متفق مع فنان وحيد على المقلب، وقلت له هجيبك لمقلب عندي وهو الفنان عزت أبو عوف لإني كنت خايف جدًّا عليه وهو خارج من مرض وبيمر بظروف صحية صعبة، فقلت له هترجع تشتغل نار وكل حاجة لو جيت لي برنامج المقالب، فقال لي خلاص تمام ووافق". وأشار:"لحد دلوقتِ برنامج المقالب مطلوب مني أعمله في رمضان اللي جاي بس مش لاقي فكرة". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
