هاني شاكر: حمو بيكا كان زمانه في سجن طرة |فيديو

قال الفنان هاني شاكر نقيب المهن الموسيقية: "اللي اتعمل من دعم مع مؤدي المهرجانات حمو بيكا ما اتعملش مع حد لا حسن شاكوش ولا عمر كمال ولا أي حد من اللى بيغنوا أغاني المهرجانات".

وتابع خلال لقائه ببرنامج "مصر جديدة" المذاع على قناة "إي تي سي":"احنا جبنا مدرس مخصوص ل حمو بيكا علشان مخارج الألفاظ والتركيز أنه يغني صح، راح مرة واحدة الدرس ومرحش تاني".

الدعاء على هاني شاكر
ولفت: "كل اللي بيعيط يبقى معاه حق، وحمو بيكا طلع بيدعى عليا في رمضان وهو مشافش مني غير كل خير ومعملتش حاجة تؤذيه".
حكم حبس حمو بيكا
وأشار:"حمو بيكا كان عليه حكم نهائي بالحبس سنتين لإنه اتهجم علي نقابة الموسيقيين وهدد بحرقها، وقبل التنفيذ علطول انا ومجلس النقابة تنازلنا عن القضية علشان ما يتحبسش، ولو نفذنا هذا الحكم كان زمانه لسه مسجون ومكنش طلع في التلفزيون وكنا عملنا معه الحوار في سجن طرة"
.
رسوب حمو بيكا
وتابع:"حمو بيكا والدته كلمتني كتير وقت ما كان هيتحبس وانا مفيش بيني وبينه حاجة ولكن الفن مش بالعافية ولا بالطيبة، وهو دخل الامتحان مرتين ورسب فيهم، هاعمل ايه تاني".
بعد انتهاء الإيقاف.. هاني شاكر يحذر حسن شاكوش | فيديو
حمو بيكا: استقريت في دبي عشان أعرف أشتغل.. وهذه نصيحتي لطلاب الثانوية العامة | فيديو
قال مؤدي المهرجانات حمو بيكا: "عرفت قيمة التعليم بسبب موقف محرج حصل معايا في مطار أمستردام وفاتتني الطيارة بسبب إني مش عارف اتكلم مع حد وفضلت أكلم نفسي، ولو أنا متعلم كنت عرفت أتعامل مع الناس".

أزمة حمو بيكا في مطار أمستردام
وتابع خلال مداخلة هاتفية ببرنامج "كلام الناس" المذاع على قناة "إم بي سي مصر":"لقيت الناس في مطار أمستردام بيكلموا الناس وأنا مش عارف أتكلم مع حد ولو أنا متعلم ما كنتش احتجت لحد ولا الطيارة فاتتني".

مشكلة حمو بيكا التعليمية
وأضاف حمو بيكا: "نجاحي من غير التعليم ولا عمل أي حاجة معايا لما اتعرضت لمشكلة في مطار أمستردام، وحاسس إني أطرش وأعمى لأني ما بعرفش أقرا ولا أكتب".

رسالة حمو بيكا لطلاب الثانوية العامة
وأكمل: "بقول لطلاب الثانوية العامة العلم والتعليم بيستر وهو كل حاجة حلوة في الحياة، وكتير اتضحك عليا في فلوس ومضيت على حاجات مش عارفها لأني ما بعرفش أقرا ولا أكتب وللأسف فات الأوان ومفيش وقت أتعلم دلوقتِ".

استقرار حمو بيكا في دبي
وعن آخر تطورات حياته المهنية، قال حمو بيكا: "أنا سبت مصر واستقريت في دبي علشان أشتغل، ومفيش شغل في القاهرة".

وأكد: "قررت أعيش في دبي بشكل كامل علشان أعرف أشتغل ومصر وحشتني ونفسي أرجع تاني، وبعاني مع نقابة الموسيقيين بقالي 5 سنين ومش عارف أعمل إيه".

معاناة حمو بيكا
ووجه مؤدي المهرجانات حمو بيكا رسالة مؤثرة لطلاب الثانوية العامة، مع اقتراب امتحاناتهم في 26 يونيو الجاري، ولطلاب الجامعات، طالبهم بأن يهتموا بتعليمهم وشهاداتهم، قائلًا إنه غير متعلم، وحصل على "محو الأمية" بعد مشقة، مؤكدًا أن طعم النجاح مع العلم يختلف عن طعم النجاح بدون علم.

وكتب حمو بيكا تدوينة على الفيس بوك "رسالة لطلاب الثانوية العامة والكليات".. هو انا اه مش متعلم واخدت (محو الأمية) بالعافية، لكن ده مش حاجه تفرح ولا تقول (عندك بيكا اهو مش متعلم بس ناجح)، صدقوني والله طعم النجاح مع العلم مختلف تمامًا عن طعم النجاح من غير علم".
وقال حمو بيكا: "العلم بيفرق في كل حاجه في الدنيا، كمية معاناة بشوفها يوميًّا بسبب إني مش متعلم كبيرة أوي مش بتمني حد منكم يشوفها أو يتعرض لها، العلم بيستر كتير اوي وبيخليك واعي ومتفتح في كل مجالات الحياة".