شقيق ياسمين عبد العزيز: غلطان في أزمتنا 100% بس مينفعش تحكم عليا بالإعدام

قال وائل عبد العزيز شقيق الفنانة ياسمين عبد العزيز: "السوشيال ميديا بالنسبة لي أداة تعبيرية، والتجربة علمتني إني أراجع نفسي وأقرب من ربنا أخدت قرار إني هلتزم في الصلاة ومنشغلش بالسوشيال ميديا".

سلوك شقيق ياسمين عبد العزيز
وأضاف خلال لقائه ببرنامج "كلام الناس" المذاع علي قناة "إم بي سي مصر": "بقيت أبعت البوستات لنفسي وأفكر فيها قبل ما أنشرها".
صورة حسن يوسف
وتابع: "نشرت صورة والدي مع الفنان حسن يوسف تقديرا لحقه وهو كان من أبطال حرب أكتوبر 1973، وكان عنده موهبة التمثيل لكن فرصته مجتش".

نصيحة أحمد حلمي
ولفت: "الفنان أحمد حلمي قال لي كله بوقته ونصيبي هيجي في وقته، وأنا اتعلمت كتير من الدروس والتجارب اللي مريت بيها".

درس شقيق ياسمين عبد العزيز
وأشار: "الدرس اللى اتعلمته أنه في حاجات مينفعش تتقال على السوشيال ميديا، والخوف علي حد ممكن يضره زي الدبة اللي قتلت صاحبها أو القطة اللى أكلت ولادها".
أزمة ياسمين عبد العزيز
وأكد: "أعترف إني غلطان في أزمة ياسمين عبد العزيز بنسبة 100%، بس انا لو غلطت محدش ينفع هي تحكم عليا بالإعدام، والاعتذار من شيم الرجال، وفي الاَخر هي تجارب وعدت واتعلمت من هنا، والفترة الجاية انا مش فاضي غير لشغلي".

نصيحة والد ياسمين عبد العزيز
وتابع: "غلطت في اختيار بعض الألفاظ وأنا بوصف علاقتي بياسمين عبد العزيز، شريف اخويا طرف حيادي في أزمتي مع ياسمين، وباخد رأي والدي مؤخرًا في أزمتي مع ياسمين ودايما بيقول اهدأ".
شقيق ياسمين عبد العزيز: انتي مبتتعلميش وبايعة من 20 سنة
شقيق ياسمين عبد العزيز: إحنا اللي ليكي بعد ربنا.. والفنانة ترد: اتوكس ياللي بعت أختك
ورد وائل عبد العزيز على شقيقته الفنانة ياسمين عبد العزيز، وذلك بعد الرسالة التي وجهتها له الأخيرة عبر خاصية الاستوري بحسابها على موقع "انستجرام" وقالت فيها: "اتوكس أنت ياللى بعت أختك وأخدت تمنها عربية مرسيدس".
وكتب وائل عبد العزيز بعدها عبر حسابه على موقع التواصل الاجتماعي "فيس بوك" قائلًا: "أنا مش هرد عليكي والله وقلة الأدب دى.. انتي ماتعرفيش أنا شيلت عنك إيه وحميتك إزاى، وحاولت اطلع بيكي وبمشاكلك بأقل خساير لكن انتي مابتتعلميش.. ربنا بيدى الإنسان دروس ودرس مرضك ماتعلمتيش منه حاجة.. ربنا يهديكى ولو على البيع انتى بايعة من 20 سنة وإحنا اللى بنشتريكى".
وكانت البداية عندما وجه وائل عبد العزيز رسالة لشقيقته عبر حسابه على "فيس بوك": "يا بنتي انتي ليكي احنا بعض ربنا وتعبك تعبنا وفرحك فرحنا واحنا معاكي ووراكي ليوم الدين.. معلش استحملي وكله هيعدي بأمر الله".
وذلك بعد انتشار أنباء تشير إلى انفصال شقيقته ياسمين عن الفنان أحمد العوضي.
رد ياسمين عبد العزيز
لترد ياسمين عبد العزيز على الفور عبر حسابها الشخصي على موقع الصور الشهير "انستجرام" برسالة قوية عبر "ستوري انستجرام" قائلة: "اتوكس أنت ياللي بعت أختك وأخدت تمنها عربية مرسيدس".