انفراد.. نص اعترافات إمام مسجد الدقهلية المتهم بهتك عرض طفلة |مستندات

تنفرد "فيتو" بنشر نص أقوال سليمان فايد إمام وخطيب مسجد والمتهم بهتك عرض الطفلة جنة 11 سنة في محافظة الدقهلية أمام نيابة جنوب المنصورة الكلية.
وجاء نص التحقيق كالتالي:
س: اسمك وسنك؟
ج: سليمان فايد سليمان محمد "39 سنة"
س: ما قولك فيما هو جاء بتقرير مصلحة الطب الشرعي الخاص بالمجني عليها جنة بشان هتك عرضها ؟
ج: لا محصلش
س: ما هو قولك فيما جاء باقوال الرائد حمد الطنبولي رئيس مباحث مركز شرطة طلخا بتحقيقات النيابة العامة والذي اكد انك قمت بهتك عرض الطفلة المجني عليها؟
ج: بصراحة انا عملتها في اخر 2019 مع البنت لكن انا مش مسئول عن اصاباتها في تقرير مصلحة الطب الشرعي
س: ما هي تفصيلات اعترافك؟
ج: اللي حصل ان في اخر سنة 2019 كنت مع البنت في تحفيظ القران الكريم وهي كانت فوق لوحدها بتجيب مياه فانا شفتها واقفة قصاد باب اوضتها الشيطان وزني وهي في الوضع ده اخدتها من ايديها وحطيتها علي السرير وقلعتها البنطلون وقمت بهتك عرضها بعد ان لامست بجزء حساس من جسدي جسدها وبعد كدا مشيت والموضوع ده حصل بعد ما الطلبة مشيوا من الدرس الديني وده اللي حصل بالظبط وقتها
س: متي واين حدث ذلك؟
ج: الكلام ده حصل في اخر 2019 في بيتي في الدور الاول علوي بمنشية البدوي مركز طلخا
س: وما مناسبة تواجد المجني عليها وتواجدك بالمكان والزمان سالف البيان؟
ج: انا كنت في الدور الارضي بدرس درس ديني وتحفيظ قران للطلبة والولاد مشيوا من الدرس ولما انا طلعت شقتي لقيت البنت فوق في الشقة كانت بتجيب مياه تقريبا ولما شفتها جمب الاوضة اغتصبتها من الخلف
س: ما بادرة التقائك بالمجني عليها؟
ج: انا اعرفها من 3 سنين بالظبط وكانت بتيجي عندي في الدور الارضي بتحفظ قران عندي وبقيت الطلبة وكانت علاقتي بأمها كويسة جدا مكنش فيه خلافات وكانت بتحفظ بنتها قران عندي وده اللي حصل.
س: وايه اللي حصل بعد كده؟
ج: انا جذبتها من ايديها بس قلت عايز اقولها حاجة واتكلم معاها البنت رفضت وخافت وهربت مني ولما امها عاتبني قلتلها حتى لو انا بوستها فهي زي بنتي ومفيهاش حاجة ولقيت محضر اتعمل ضدي
س: هل قمت بتهديد المجني عليها بعد إفشاء مواقعتها؟
ج: لا وجاتلي تاني عشان تحفظ قران ولا كأن حاجة حصلت.
كواليس جلسة الحكم على إمام مسجد هتك عرض طفلة بالمؤبد.. وأسرتها تحتفل بالزغاريد
الدقهلية اليوم.. المؤبد لإمام مسجد هتك عرض طفلة.. وجولات للمحافظ
س: وما هو قولك فيما جاء بتحريات المباحث؟
ج: اللي عملته انا قلت عليه ومعرفش حاجة عن تقرير الطب الشرعي لأن مؤخرا انا معملتش فيها حاجة حتى اللي عملته معاها قبل كده مش اغتصاب كلي.
س: وما هو قصدك من ارتكابك للواقعة؟
ج: التحرش الجنسي وهتك عرض الطفلة بس مكنتش مدرك أنا بعمل ايه وكنت ندمان على أنا عملته وقتها
س: هل من ثمة علاقة أو خلافات بينك وبين الرائد حمدي الطنبولي رئيس مباحث مركز طلخا؟
ج: لا

س: أنت متهم بهتك عرض المجني عليها الطفلة جنة حال أنها لم تبلغ من العمر 12 سنة عن طريق الإكراه والتهديد وذلك بأن جذبتها داخل الغرفة خاصتها على غير إرادتها كرها عنها وحسرت عنها ملابسها واغتصبتها من الخلف قاصدا هتك عرضها كونك محفظا لها ومتولي تعليمها مستغلا من ذلك سلطتك عليها في تحفيظ القرآن الكريم؟
ج: اللي انا عملته معاها قلت عليه بالظبط لكن انا لم أجبرها على شيء وكانت ساعة شيطان وأنا ندمان عليها.
أمر الإحالة
وجاء في أمر الإحالة التي تنفرد فيتو بنشره تتهم النيابة العامة بجنوب المنصورة سليمان فايد سليمان محمد محبوس امام 39 سنة امام وخطيب مسجد عبد الرحمن بادارة اوقاف طلخا لانه في غضون شهر اغسطس الماضي بدائرة مركز طلخا هتك عرض المجني عليها الطفلة جنة. ع حال كونها لم تبللغ من العمر 18 سمة وكونه من المتولين تربيتها وله سلطة عليها بالقوة بان استغل كونه القائم علي تحفيظها القران الكريم وترددها ع عليه لكونه من رجال تالدين والعلم بغية تربيتها وتعليمها
وأضاف أمر الإحالة إلى أن المتهم أصر على اتيان الفاحشة كرها معها ولم يرقب فيها ذمة ولم تأخذه شفقة ولا رحمة بها فأتي من الكبائر أجلها وأعظمها وبدلا من صونها وحفظها قام بهتك عرضها بأن أولج جزء حساس من جسده إليها فأحدث بها من الإصابات الظاهرية أشدها والتي ورد بتقرير مصلحة الطب الشرعي ووصفها ومن الآلام النفسية ما لا يدرك مداها.
وأشار أمر الإحالة إلى ام المتهم يكون بذلك قد ارتكب الجناية المعاقب عليها بالمادتين 268 من باب ا، 2 من قانون العقوبات والمادة 116 مكرر بشأن الطفل.