مرسي بيلطم ويصرخ: ضيعتم مستقبلي الله يحرقكم وأنا كان المفروض لغيت السمع والطاعة لكن المنحوس منحوس طب إزاي ابقي ريس 4 سنين مستحيل طول عمري في السجن ومره واحدة ابقي ريس أكيد دي عين العريان أو أبو الفتوح أو البلتاجي اللي بيموت في الكاميرات والفضائيات لكن النصيب هعمل إيه يعني، هو أنا أحسن من أخي وحبيبي أبو علاء يمكن ربنا هيجمعنا في السجن ونبقي حبابيب الله أعلم. أم أحمد: مالك يامرسي قدر الله وماشاء فعل ما تعملش في نفسك كده يا خويا أنت كده هتحصلك حاجة ويفرحوا فيك الأعداء. مرسي يبص عليها بغيظ: هي أقدام هو النحس معايا معايا ماضي عقد طول ما أنا إخواني عمري ما هدخل القصر تاني. أم أحمد: سلامتك قصر ايه قول بس ربنا يفك أسرك. مرسي يلطم: يانهار أسود ليه هو أنا بقيت أسير.. يعني كده هيطبقوا على قانون الأسير، طب ما استعين بالإخوة في حماس عشان يعملوا اللازم زي ما عملو قبل كده. أم أحمد: خلاص يامرسي اعقل بقي وسيبك من الموضوع ده أنت طول عمرك في السجن هو السجن جديد عليك. مرسي يزعق ويتنرفز: طول عمرك مكسرة مقديفي إيه أنا الريس الشرعي للبلاد مش العرفي والأهل والعشيرة لازم تعمل حاجة. ام أحمد:شوف انت في الاخر هتدفع التمن وحدك انا مش سوزان يا أبو أحمد وما عنديش جهد ادور عليك في السجون طول عمرك مدوخني وراك انا تعبت وزهقت وقلنا ارتاحنا مشيتلي ورا الشاطر وبديع خليهم بقي ينفعوك ؟ مرسي يرفع ايديه للسماء: اللهم رجعني تاني للقصر إن شاء الله حتى شهرين واكون خادما للشعب واعتقل كل الإخوان. ام أحمد بشماته: جات لك الفرصة ولكن سمعت كلامهم وبعت الشعب شوف انت دلوقتي فين يا ريس؟ مرسي وهومبسوط بكلمة ياريس: الله يفتح عليكي يام أحمد، تصدقي بالله ماحد قالي ياريس من أربع أيام لما الواحد هيتجنن الكلمة حلوه قوي _يرفع يده لفوق_ ياريسسسسسس. أم أحمد ضاحكة: أنت ريسي أنا يامرسي وريس عيالك هو فيه حد أغلى مني ومن عيالك عليك. مرسي يتمشي: نفسي موت أرجع للقصر تاني ولو أسبوع كانت سنة إنما إيه حكاية والله كانت ايام حلوه هو الشعب لو صبر على شويه مش كنت عملت ليكى وللعيال مستقبل محترم. أم أحمد: مش مهم المهم سلامتك أنت يا أبو أحمد. مرسي: أنا مبسوط اني عرفت مين عدوى ومين حبيبي الشاطر وبديع والعريان باعوني يا أم أحمد. أم أحمد تبص على الأرض: أصلهم مقبوض عليهم. مرسي يصرخ: لا بقي، أهو ده بقي مش شرعي ولا نظمي ولا فهمي ولا رسمي فين الشرعية في القبض عليهم أنا الريس وينادي على الحارس استدعي وزير الداخلية بسرعة قوله الريس عايزك. الحارس:ليه مرسي عصبي جدا: أنت بتسألني ليه أنا الريس أنا الشرعية انا الشرعي مش العرفي قوله افرج فورا عن الجماعة دول في حمايتي. أم أحمد: وأنت في حماية ربنا يا حاج. مرسي يجري على الباب: انا الريس انا محمد مرسي العياط الريس الشرعي للبلد مش العرفي ولوكان عرفي نروح النيابة ونصحح الغلطة ونخليه شرعي اسمعوني ياناس انا الريس. أم أحمد: يا حول الله يارب كان مالك أنت ومال الغلب ده بس ياربي ربنا يشفي عنك ياحاج. مرسي يضرب رجله في الأرض: انا مش عايز ادخل السجن تاني خلاص انا تعبت من نومة البرش، بعد ما الواحد نام على الحرير يرجع ينام على البرش ياناس حرام، خلاص أنا تُبت ومش هسمع كلام حد تاني وهلغي حكاية السمع والطاعة في الجماعة بس ارجع أنام على الحرير وابقي ريس يصرخ يارب ارجع تاني ريس. ام أحمد:تبكي وبعدين معاك يامرسي السجن للجدعان يا خويا أُمال مبارك يعمل إيه؟ مرسي: الحلو أن مبارك راح من الحرير على البرش، لكن أنا من البرش على الحرير ومن الحرير على البرش. ام أحمد: تحمل يا مرسي والجماعة.. يقاطعها مرسي: الجماعة هاتو الولاعه اولع فيهم _يلطم_ يا خراب بيتك يامرسي ما انا كنت هسمع الكلام لكن الشاطر وبديع وبوز الاخص البلتاجي والعريان قالوا لا أنت معاك الشرعية.. طب الشعب يبقي ايه ؟حسبي الله ونعم الوكيل فيك يامرررررشد أنت والشاطررررررررر _وقعد على الارض يكتب_ "دي نهاية اللي يسمع كلام الإخوان"!
