"نجم" بتوع رابعة هيفضلوا قاعدين ليوم الدين

مصر المحيرة، لا أعلم ماذا أقول، ولا أقول لكم أنا عاوز اتكلم برحتي بقا، بعد بيان عمنا " السيسي"، الدنيا اتقلبت على الفيس بوك تريقه واشتغالات على الراحل "مرسي" يعيني عليه وعلى جماعته، لاقيت واحد كاتب الله عليك يا سيسي....يا محرك أحاسيسي... مرسي مبقاش رئيسي..
ببص لاقيت بنوته كاتبه "والله مرسي ده راجل محترم ومؤدب من السجن للرئاسة ومن الرئاسة للسجن".. وشويه ولقيت الكوميكس مالي الدنيا تريقه.. بداية من صور باسم يوسف إلى عادل إمام إلى أغلب الممثلين الكوميديين. لكني فوجأت ببنت حاطة صورة لصينية شربات وبتقول مبروووووووك كأن النهرده فرحي.
ولقيت الممثل حجاج عبد العظيم كاتب "معلش ياجماعه انا مش اقدر اخرج النهارده امى كانت مسافره من سنتين ورجعت وعاوز اقعد معاها وحشتينى يامصر".
وعمنا أحمد فؤاد نجم كاتب "بتوع رابعة هيفضلوا قاعدين ليوم الدين.. لأن القيادات اتقبض عليها قبل ما يقولوهم امشوا".
وكتب المبدع شامخ الشندويلي "بعد انجلاء الرؤية سوف نبكى نحن على مصر صراحةً كما بكينا عليها صراحة من قبل مرات ومرات.. أما غيرنا فسوف يستحون حتى من البكاء فهم الذين صنعوه".