بالصور.. "لماذا أتمرد" فى مدينة دراو

وزعت القوى السياسية المعارضة، مساء أمس منشورات بمدينة دراو بعنوان "لماذا تمرد أيوة"، ومكتوب فيها "اللى قولك أنه لو مرسى اتشال البلد هتبقى فوضة قوله فوضى إزاى يعنى هيبقى مفيش كهرباء ومفيش سولار وهيوقف الناس طوابير عالبنزين ومش هيبقى فيه مياه، يعنى أسعار السلع حتغلى وهتزيد نسبة الفقر والبلطجة حتنتشر والضرائب حتزيد يعنى البطالة والسرقة حتكتر وهتضيع هيبة مصر يعنى حينخفض احتياطى النقد وهنشحت من اللى يسوى واللى ميسواش زى دلوقتى بالضبط يبقى في فوضى إيه أكتر من اللى احنا فيها.
من ناحيته قال منسق التيار الشعبى بدراو ياسر دياب، إن المسيرات السلمية تبدأ اليوم من أمام مستشفى دراو المركزى لتجوب شوارع المدينة للمطالبة بإسقاط النظام.
أضاف في تصريح خاص ل "فيتو"، أنه يدعو جميع الأهالي للمشاركة في فعاليات 30 يونيو لإسقاط نظام الإخوان المسلمين الفاشل، موضحًا أنه بالتكاتف والترابط سنستطيع إسقاط النظام ولا داعى لليأس.