رجل الشاطر: "هل شفيق وآسفين ياريس هما اللى هيرجعوا الثورة"؟

قال أحمد المغير، الناشط الإخواني، والملقب برجل الشاطر، على صفحته بموقع "فيس بوك"، اليوم الإثنين: "لما شفيق يطلع يقول مش هيحكمنا الإسلام تاني "خلي بالك الإسلام مش الإخوان"، ويطلع البرادعي عاوز يتصالح مع النظام القديم مع إنه عاوز يسقط مرسي برضو لأنه بيتهمه بنفس التهمة!!!، ولما نلاقي آسفين يا ريس بيجمعوا توقيعات تمرد، ولما تهاني والزند ومرتضى وعكاشة ولميس وأديب اللي بكوا بدل الدموع دم على مبارك هما اللي متصدرين المشهد الإعلامي والسياسي".
وأضاف: "لما نلاقي صور مبارك وزبانيته مرفوعة في مسيرات تمرد ونلاقي السلاح والمولوتوف فيها، لما نلاقي نفس ضباط الشرطة اللي اتهموا بقتل الثوار(الثوار الحقيقين) بيقولوا إحنا نازلين عشان نسقط النظام عشان محققش مطالب الثورة!".
وتابع: "يبقى أنا راضي ذمتك.. الإخوان وحشين وفيهم البدع وضيعوا الثورة وكل الأكلاشيهات المحفوظة دي، اللي فوق دول هما اللي هيرجعوها؟!.. الثورة مستمرة".