المغير ل"الشرطة": "انتوا ورق واتحرق"

قال أحمد المغير الناشط الإخوانى على حسابه الشخصى على موقع "فيس بوك "اليوم الجمعة: "بعض ضباط الشرطة سُذَّج بدرجة تخليني مشفق عليهم جدا، البهوات فاكرين قال إيه هيرجعوا حكم مبارك عشان سيطهم يرجع وشايفين أن بتوع "تمرد" اللي هما بتوع شفيق هيحققولهم ده !! يبني انت وهوا انتوا ورق اتحرق خلاص ومش ممكن يرجع تاني انت ناسي مين اللي كان بيضربك وبيحرقك في الاتحادية والتحرير؟! الإخوان ولا تمرد لما كان اسمهم "بلاك بلوك" طب خد التقيلة بقى....فيه كشف ب 2000 ضابط محضرينه البهوات اللي انتوا حابينهم أوي هيتم تقديمهم كبش فداء عشان يقولوا للناس احنا مش زي مبارك ولا حاجة وهننفخلكم الشرطة والناس تقعد تصقف طبعا لأنكم عارفين قد إيه الناس بتحبكم (طبعا ده في الخطة الخزعبلية اللي فاكرين إنهم هياخدوا بيها الحكم يوم 30 الجاي)، يا ترى مرسي لما حكم انتقم من حد فيكم؟ أذى حد فيكم؟ ولا تناسى هوا واحنا جراح وآلام كتير تسببتوا فيها لينا؟ احسم أمرك انت وهوا واختار لأن الباب هيتقفل يوم 30 والملفات كلها هتتفتح والعداد بيعد ".