يدخل فاهم يغني:عقبالك يوم ميلادك لما تنول اللي شغل بالك ياقلبي. فهيمة:اللهم لا حسد الغزاله رايقه قوي النهارده خير. فاهم:أبدا كل سنة وأنا طيب عيد ميلادي الشهر ده. فهيمة:كل سنة وأنت طيب يا حبيبي ومش عيب ياراجل واحد في سنك ويغني أغاني عبد الحليم اللي بوظ أخلاق الأجيال. فاهم:عبد الحليم ده حبيببي تصدقي لولا عبد الحليم حافظ ما كان اتورطت اتجوزتك ياوش الخير. فهيمة: وهتحتفل فين بقي. فاهم:والله أنا سعيد قوي لأن مصر كلها هتحتفل معايا. فهيمة:مصر كلها ليه إن شاء الله هو أنت رئيس الجمهورية وانا معرفش. فاهم بسعادة:لا اصلي عيد ميلادي 30.6. فهيمة تشنج ويغمي عليها. فاهم: يشير بيديه الأول وعقبال الباقي يارب. فهيمة تفوق: اسمع غير تاريخ ميلادك انت ايه عايز تجيب لي السكر والضغط. فاهم:نسيت الرعاش قولي يارب ليه بقي اغير تاريخ ميلادي انا مش إخواني. فهيمة:اليوم ده هيكون يوم الحشد يوم الزحف يوم اكون أو لا اكون. فاهم:دي احلي حاجة يوم 30 هيبقي ليه قيمة زي 25 يناير إن شاء الله. فهيمة بعد الشر بعد الشر لو حصل أن الريس مرسي قعد جنب مبارك الشعب ممكن يعمل فينا ايه فاهم:احنا شعب طيب هنركب الإخوان فو ق عامود النور اللي في التحرير. فهيمة مرعوبه وتترعش وتسيب مراتك تركب العمود وتتكهرب يا حبيببي. فاهم:عشان كده عملتم حسابكم وبتقطعوا الكهربا من دلوقتي. فهيمة تغمض عين: بص يا عم الأمور احنا عارفين بنعمل ايه وعندنا تعلميات أن يوم 30 كلنا نعمل محشي ونروح ميادين مصر كلها ونحط في المحشي مخدر ونوزع على الناس كل واحد 5 صوابع محشي وبكده مصر كلها تنام لحد المغرب ويعدي يوم 30 ويبقي يوم المحشي هاهاها هاها انتم فاكرينا ايه يا حبيبي. فاهم يحط يده على رأسه:طب واللي مش بيأكل محشي فهيمة:معقوله ياعم العبقري كل انواع السندوتشات موجوده ياروح الروح بالمخدر كمان فاهم يصرخ:يعني المخدرات اللي قال عليها مرسي 200طن في المخازن عشان يوم 30 فهيمة ترقص: عرفت يا حبيبي وتغني عقبالك يوم ميلادك لما تنول اللي شغل بالك يا مصري يا مصري يا فاهم.
