قيادى جماعة الإخوان بيلقح بالكلام على الثوار!

محررنا فى صعيد مصر رصد من محافظة الفيوم أن حزب الحرية والعدالة افتتح مقرا جديدا له فى قرية بالفيوم، وكتب لهريدى نيوز: مش دا المهم لكن المهم هو القيادى الإخوانى سامى سلامة، اللى كان أصلا فى مجلس الشعب 2010 واحد من المهمين فى تمويل حملة المرشحين بتوع المأسوف على شبابة الحزب الوطنى المحظور ولو إن المنحل أحسن كتير لأن معناها إنه كان داير على حل شعره، ما أطولش عليكم، واد خالى سامى ده قعد يشبه الشباب الزينه المفتحين بتوع الثوره اللى عايزين يحتفلوا فى الميدان يوم 25 يناير بأنهم عملا وخربانين وبيخربوا فى البلد، كيف ياواه ؟ مش هم دولى اللى كنت بتقول عليهم ورد مفتح.. كيف فى يوم وليلة أصبحوا خربانين مخربطين، دا قال كمان هايرجعونا لورا هاينتجولنا النظام القديم، يخرب بيت مطنك يا سامى يا واد سلامة هو مين دلوك بيصنع فى فرعون مستبد الورد اللى فتح والا القطيع الخرفان.