بكيااااااااااااااااااااااااااااااااااااااا

ياما فى الجراب يا بكيا.. حد شارى.. حد بايع.. سبع صنايع.. والبخت ضايع ..أبيع أبيع كل البضايع.. حتى المناصب.. حتى الرفايع.. وكل اللى عندى اسمه «بكيا»، وياما فى الجراب يا بكيا.. لو تبيعلى أو «تبتاعلى» كلوا بكيا.. يلا بكيا يلا بكيا.. يعنى مثلا عندى «رئيس للإيجار» يجيد الخطابة، يخطب فى المساجد، والميادين، وفى المصانع، يقول ما لا يفعل، يعد ولا يفى، يتقن جميع فنون الكذب، قدرات خاصة فى التلوين، خريج جماعة الشيطان، قابل للإيجار، ويمكن استخدامه بحق الانتفاع.. ها.. حد شارى.. حد قال أنا عايز؟ ..
طب عندى كمان «داعية بالقطعة».. بمواصفات خاصة.. فتاوى جاهزة وأخرى تفصيل .. ملكات خاصة فى الوقوف مع «مبارك»، وضد «مبارك» مع التوريث، وضد «جمال مبارك»، وضد الإخوان، وتابع ل«مرسى».. يمكننا إعارته لفترات محدودة.. ها.. حد قال شارى حد قال عايز؟! .. كله عندى فى الجراب.. كله بكيا.. يلا بكيا.. يلا بكيا.. حد عندوا بكيا للبيع.. طب حد يشترى؟!.. ميعادنا بكرة وبضاعة جديدة فى الجراب !!