مرسي يحقق الاكتفاء الذاتي من القمح في المزرعة السعيدة

دائما ما تحتل أجندة زيارات مرسي أعيادا لا يعلمها إلا الرئاسة، و ربما تبتكرها أحيانا كان آخرها عيد "الحصاد" الذي احتفلت به الرئاسة وسط الحقول، ولاقت صور مرسي خلف المنصة وحوله القمح الكثير من التعليقات التي شبهه فيها الشباب بالقذافي، فماذا كانت أبرز التعليقات؟
أبو نسمة الأسطورة: مرسي بيحتفل بعيد الحصاد ومن يومين احتفل بعيد العمال وعيد المعلم والفلاح والعلم وعيد الكاتشب وعيد ميلاد سيد معو بس معايدة الأقباط برضو حرام.
محمد وحيد: الريس سنبلة.
باسم قناوي: الرئيس مرسي يلقي خطبة اليوم من المزرعة السعيدة.
محمد نعمان: مرسي هيعمل اكتفاء ذاتي من القمح .. بس في المزرعة السعيدة.
محمد النمر: وما ذنب الحقل؟
كريم يونس: يعني هو واخد البتاعة دي من القاهرة لحد برج العرب علشان يوقف وراها دا راجل فاضي دا القذافي معملهاش يا مرسي.
حسين سالم: فين بأه مركبة الفضاء إلى نزلت الكائنات دى عالأرض؟
أحمد حطب: واحد رايح يحتفل بالقمح في قرية اسمها بنجر 15.. طيب حضرتك ممكن تنزل منيا القمح امتى في عيد الهالوين مثلا .. و لا الأهل والعشيرة مش مسيطرين هناك ولا إيه؟؟
حسين سالم: مرسي في الناسا..مرسي في الجامع...مرسي بالطربوش...مرسي والصباع ..وحاليا مرسي في the X Men.
بهجت القشاوي: بيقولك مرة خيرت الشاطر اجتمع بالوزراء وزعق فيهم: إزاي مفيش ولا وزير شغال إلا باسم عودة بيعمل زيارات للمخابز كل يوم .. قام وزير الصحة قاله من هنا ورايح أوعدك يا ريس هتشوف الشغل اللي بجد .. تاني يوم عنوان الأهرام: "وزير الصحة يقوم بجولة مفاجئة على مخابز القاهرة"!
عصام الهواري: مصر ولادة يا بني... بس دلوقتي بقت تبيض!!