خطاب مرسى فى حقل القمح يشعل سخرية نشطاء تويتر.. محمد: المزرعة السعيدة بتاعة الرئيس فخمة.. الجوهرى: خروف السياسة فى برسيمه.. سارة: لما هيفتتح محطة صرف صحى هيخطب فى ماسورة مجارى

أشعل خطاب الرئيس مرسي في حقل القمح سخرية الكثير من نشطاء تويتر، وخاصة بعد أن أوقف سيارته بأحد حقول القمح بقرى البنجر ببرج العرب بعد أن لوحت له سيدة مسنة بشكوى لينزل مرسي من السيارة ويستمع لشكوي السيدة، النشطاء وصفوا زيارة الرئيس مرسي لحقل القمح ب" المزرعة السعيدة".

محمد الحكيم قال: "بس سيبك إنت "المزرعة السعيدة" بتاعة الريس مرسي فخمة بردو مزرعة ريس يا أخى".
مها عادل قالت: "يعني مرسي لما يقرر يحتفل بالثروة السمكية هنلاقيه واقف ف حوض سمك !! يوم الحصاد حملة تمرد تمرد".
وقال السيد الجوهري: "مرسي في يوم الحصاد واحد صحبي من جنسية آسيوية شافه وسط الزرع فضل يضحك وقلي مين دا بقوله دا خروف الرياسة في برسيمه".
وقال وائل آل الجابري: "الرئيس مرسي يوقف موكبه للاستماع لشكوى سيدة مسنة لوحت له تراني تأثرت لحظة أبكي على هذه الدعارة السياسية".
أشرف المهدي قال: "مرسي يوقف موكبه للاستماع لشكوى سيدة مسنة لوحت له .. خش عليا بالشعار "طب ما حسنى مبارك كان بيعمل كدا برضو".
وقال ماهر طولون: "الراجل ده تحس إنه طيب زيادة عن اللزوم وأي حد بيشتغلوا مرسي".
ريمون شاكر قال: "الرئيس مرسي سوف يكمل ما بدأه محمد عبدالوهاب.. القمح الليلة عيده يارب تبارك وتزيده..!!".
وقال محمد جاد: "مرسي في كلمته للفلاحين بقرية "بنجر 15" أيتها الجماهير العريضة لقد توصلت لشفرة المزرعة السعيدة أصلي ياريس".
وقال محمد مجاهد: "إحنا محتاجين قانون يسمح بمحاكمة أي رئيس جمهورية بتهمة إهانة منصبه وتكون عقوبته العزل الفوري من منصبه..اللى بيحصل ده كتير علينا".
وقالت فيرونيكا ماجد: "اللي بحبه في مرسي إنه بياخد حاجات عادية جدا و بيعمل منها مهزأة ومسخرة.. مين كان يتوقع إن القمح يبقي حاجة بتضحك كده.. كم أنت عظيم يا مرسي".
وقالت queenperfume: "مرسي بيغني للشعب المصري عايزني أرجع زي زمان قول للزمان ارجع يا زمان.. الله المستعان ويخلصنا من القرموطي فرع العياط".
وقال د. عبد الله السبكي: "مرسي رايح يخطب في الغيط وسايبنا هنا في الصحرا والمية عندنا قاطعة".
وقالت سارة عثمان: "وزي ما الثورة كانت زَرَعَ والإخوان جم حَصَدَ مرسي نفذ نفس القاعدة النهاردة".
وقال محمد ياسين: "مرسي ناهض العدوي .. ممثل مصر في الأولومبيكيات النهضوية .. و حاصل على الحزام البني و حمالات سودا في النهضة و القفز بالزانة من مكتب الإرشاد".
وقال عادل عبده 8: "مرسي بعد الشو اللي عمله النهاردة يستحق جايزة ( حزمة البرسيم الذهبية ) الحقيقة يستحق عن جدارة مكانة القذافي".

سارة محمد قالت: "مرسي لما هيفتتح محطة صرف صحي هيخطب فى ماسورة مجاري.. بعد خطاب مرسي للقمح: حصل على جائزة أوسكار كأفضل كوميدى عن سلسلة أفلامه مرسي في القصر، في البحرية، في الجيش، وأخيراً مرسي في الحقل!"
وقالت lylya mohamed: "سجادة حمرا وحاجة آخر ألاجة ... مرسي يخطب فى المزرعة السعيدة".