مي حلمي تستعيد ذكرياتها مع محمد رشاد بصور قديمة

مي حلمي بعد تكريم محمد رشاد في حفل نجم العرب: نجاحك من نجاحي
نشرت الإعلامية مي حلمي عبر صفحتها على "إنستجرام" مجموعة صور قديمة مع خطيبها المطرب محمد رشاد روت خلالها ذكريات 3 سنوات ماضية.
وكتبت مي تعليقًا على الصور: «دول الأحلى 3 سنين في حياتي إلى عدو بالحلو والوحش على قد ما كان في دموع كان قصادها فرحة.. الصور دي مستخبية بينا وبين أصحابنا وأهلنا من 3 سنين لحد النهاردة».
وأضافت «دول الناس الحلوة اللي في حياتي إلى وقفوا جمبي وقت زعلي وفي فرحي كمان كل مرة كنا بنتصور صورة كنت بقول ياه لو ينفع أنزلها وأقول بكره يجي وقته ونقول للناس كلها دي أحلى ذكريات ونص الصور المقصوصة بقيتها كمل».
وتابعت «كان نفسي أنزلها من زمان ولسه عندي كتير بس الفرق أني بعد كده هنزل الصور دي عشان أفتكر أني عدي وقت وحش أوي وجه بعديه وقت حلو أوي أوي».
ويستعد الثنائي هذه الأيام للزفاف ومن المقرر أن يقام حفل زفافهما خلال الأسابيع المقبلة.