"التعديل الوزارى" يؤكد رفض النشطاء لحكومة قنديل.. إسراء: مدير مبيعات وزير استثمار.. شاهين: يوضح المقصود بمصطلح "مشاركة لا مغالبة" .. ميدو: وزير التحرش قاعد

رفض عدد كبير من نشطاء تويتر التعديل الوزاري الذي أعلن عنه اليوم، ودشنوا هاشتاج" التعديل الوزاري" ومن خلاله أكدوا على أن الوزراء الذين تم تعيينهم لا يصلحون لإدارة الدولة واصفين أحدهم بمدير مبيعات والآخر مونتير والثالث دكتور في التربة، في حين رد القلة علي ذلك بأنهم لا يفهمون طبيعة ما قام به الرئيس من تعديل
الناشطة السياسية إسراء عبد الفتاح: "دكتور في التربة وزير التعاون الدولي، مدير مبيعات وزير استثمار، مونتير وزير ثقافة التعديل الوزارى"
وقال عمرو وديع: "التعديل الوزارى السادة الإعلاميين، عاوزين تشيلوا متولي في يوم واحد ؟ اتفقوا كلكوا سوا إنكم متروحوش الشغل بكره".
وقال محمد شاهين: "بمناسبة التعديل الوزارى .. توضيح المقصود بمصطلح "مشاركة لا مغالبة" الذى أطلقه الإخوان قبيل انتخابات مجلس الشعب هو مشاركة كل الإخوان دون مغالبة أحدهم على الآخر".
وقال خالد فهمي: "يا تري أيمن نور عامل إزاي دلوقتي بعد التعديل الوزارى ؟؟؟ يالله دع الخلق للخالق".
وقال Sala7izeum: "التعديل الوزارى بصوا بقى.. إنت معترض ع التعديل من قبل ما يطلع.. ومعترض ع الإخوان من قبل ما يقعدوا يحكموا.. زعلان ليه؟".
وقالت أسماء: "صاحب صفحة إنت عيل إخوانجى بقى وزير اتصالات!! والمتحدث الرسمى لحملة مرسى رئيس بقى وزير استثمار !! التعديل الوزارى".
وقال مصطفي هاجري: "يعنى هما هيطبخوا الطبخة كلها و يبوظوها على بشلن ملح.. هما عارفين إن خطتهم بانت فكملوها على نور بقا، عن التعديل الوزارى والإخوان أتحدث".
وقال محمود فرغلي: "سؤال مهم هو مادام البنزين موجود ومغرق البنزينات.. وزير البترول اتشال ليه؟؟؟؟هاه؟؟هاه؟ التعديل الوزارى".
وقال دكتور ميدو عادل: "بس وزير التحرش قصدى الإعلام قاعد على قلبكم لسه وهيورينا كلنا فين حرية الإعلام!! التعديل الوزارى".
وقالت هيام سعفان: "لو كان التعديل الوزارى سليماً وكفئاً ويحقق تغييراً لأثبت أن رفض قنديل فى غير موضعه.. إلا أنه دليل قاطع على أنه كان يجب تغيير الحكومة".
وقال Eng_Mohammed001: "لازم نعترف إن أكتر واحد اتظلم فى التعديل الوزارى هو حازم أبوإسماعيل .. بجاتو !!!! أنا حزين لاختيارك بجاتو يا مرسى ,, ده لسان حال زوما".
وقالت n_wayward: "التعديل الوزارى إذا لم تزد فى الحياة شيئا فكن أنت زائدا عليها ..ارحلى أيتها الجماعة الغبية".
وقال عمرو يكن: "وقالت الصناديق وبجاتو حارسها نعععععععععم ....ف كانت الهدية وزارة .... القضاء يتطهر الآن ويا أم المطهر رشى الملح سبع مرات التعديل الوزارى".
وقالت نانا الدستورية: "عزيزى المواطن البس التعديل الوزارى الجديد أوسع من التعديل اللى قبله المقاس الجديد xxL وشاهد طريقة التفصيل".
وقال محمد سعد: "يا أم نياظى صحى نياظى وقوليلو إن مدير تسويق فودافون بقى وزير استثمار! .. التعديل الوزارى".
أحمد المشلاوي قال: "الإخوان بتلعب سياسة مش تفكيرها خالص ولا منهجها دا تخطيط ناس أكبر منها بمراحل إما يهود أو شيعة التعديل الوزارى".
عبد العزيز الكاشف: "التعديل الوزارى بعد إضافة التسع وزارات الجديدة كده في كام واحد بذقن خليهم يتشلوا".
وقالت ناموسة الثورة: "بكره اللى مش فاهم يفهم إن مرسى بيفهم واللى مش هيفهم مش بيفهم أصلا .. بجاتو التعديل الوزارى".