STATUS TWEETS

أحمد فايد: طب بما إن عايزين تطهروا القضاء الفاسد خلاص موافقين طهروه.. لكن هنعيد الانتخابات اللي أشرف عليها القضاء الفاسد ده؟.
أحمد كركر: القبض على وزير الإعلام في وضع مخل وهو بيوري صحفية حرية الصحافة..
هبة مصباح: هييجي علينا اليوم اللي السياح فيه هيتفرجوا علينا بدل الآثار!..
كريم جبة: الإخوان مبيفرقش معاهم ديانتك ولا اتجاهك السياسي.. طالما أنت مسلم مُلتح ومٌنضم للجماعة.
على السيسى: حسن مالك وصفوت حجازي ومنتصر الزيات يدخلون انتخابات الزمالك..
لا لأخونة الزمالك... ناااااادي الملوك مينفعش يبقي إخواني.
محمد العطار: عارفين العطسة اللي بترجع في كلامها؟، أهي دي أصلا مش إخوان.. بس بتحترمهم أوي.
أحمد نعمان: المصريون هم الشعب الوحيد في العالم اللي»بيركبوا الهوا» عشان مفيش مواصلات..
المجلس الأعلي للألش: البنى آدم اللى اسمه أحمد آدم بيلخص دلوقتى ألشات المجلس الأعلى للألش فى أسبوع فى بنى آدم شو.. الابتذال ملو الشوال..
رانيا أمين: والمشكلة إنه برضه مش بيضحك..
مها حسان: فقط في مصر.. بيتنافسوا علي مين اللي عايش حياة مأساوية أكتر. . . يعني لو قلت لحد: أنا مفطرتش،هيقولك: أنا مكلتش من إمبارح. ، أو قوله: أنا سبت سؤالين في الامتحان، يقولك: أنا مضربتش فيه قلم، حتي لو قولته: أنا هموت م الحر، هتلاقيه بيقولك: أنا مت من الأسبوع اللي فات..
فارس حمادي: هتنزلوا التحرير ملط إمتى بقى؟..
رانيا الحارتي: حتي تذكرة المترو بقت تتحط في الطرحة.. وبتسألوا ليه الثورة باظت؟..
هادي عبد المنعم: أي حوار هنا بيقلب لنقاش.. والنقاش في مصر غالبا بيتحول لجدال.. والجدال دائما بيقلب لخناقة..فبدل ما تتعب نفسك اللي يكلمك إديله بالقلم وخلص الحدوتة..
مصر تحتفل بإنتاج أول إستيكر وكرتونة صناعة مصرية علي غرار مصانع هنداوي بفيلم عادل إمام الشهير «بوبوس» ضمت لجان الإخوان الالكترونية التابلت الجديد لقائمة إنجازات النهضة كأول منتج مصري من فئته.. شباب فيس بوك سخروا من الإنجاز وخاصة أن جميع مكونات التاب ليست صناعة مصرية وما تم تصنيعه في مصر هو مجرد استيكر وكرتونة، فماذا قالوا؟.....
تامر عيسى: هو إحنا بنجيب الماتيريلز كلها من الصين واليابان وأمريكا وبنجمعها في مصر.. بس بنقول إنها إنتاج مصري 100 % عشان النية صافية..
حمادي الجندي: لا صنع في ألمانيا ولا في كوريا دا صنع بلدنا ومبينكسرش.
عادل الجوهري:هو أنت جربته عشان تحكم عليه؟، إديله فرصته..
محمد عشماوي: الساعة الناطقة فيه هتقولك: الساعة الآن إتناشر..إتناشر ونص يعني..
حسام فاروق: ده اسمه حتى «تاب» يعني بقى كويس.
وائل أبو العلاء: أول ما تفتحه هيقولك: اصطبحنا وصبح الملك لله.
جمال مجاهد: اعتبروه مصرى يا أخى..
رامي الأزهري: وأول تابلت مصرى 100% بنظام أندرويد بتاع جوجل الأمريكية وبروسيسور وبوردة وشاشة وتاتش صينى وتجميع بره مصر بس الحق يتقال الأستيكر مصرى..
محمد خالد: الكرتونة صنع مصرى ياعميل هههه...
محمد عرفة: اللى مصدق إن فيه تابلت مصري 100% فعلا هو هو نفس اللى مصدق إن مرسي مرشح الثورة..
علاء منتصر: متقفل برا.. بس عامل نفسه من بنها..
طارق عزت: الواد مجاش يذاكر واصل يا خال.. طول النهار ماسكلي الطابلط الأرضرويد وبيلعب الحنش..
باهي صلاح: عارفين التابلت ده 100% مصرى ليه؟.. لأنه من قلبه وروحه مصرى وحاجات جواه بتسرى..