المطربة سهى حسني تروي تفاصيل واقعة نصب تعرضت لها

روت المطربة الشابة سهى حسني التي اشتهرت بأغنية "كدا برده يا يحيى"، تفاصيل واقعة النصب التي تعرضت لها اليوم من مجهول ادعى أنه شقيق المخرج مصطفى الشال، من خلال حسابها على فيس بوك.
وكتبت "سهى"، "موقف وحش جدا وحالة نصب خطيرة وعايزة كل الفنانين والفنانات ياخدو بالهم امبارح بالليل جالي تليفون من شخص منتحل شخصيه محمد الشال أخو المخرج الكبير مصطفى الشال وطلب مني أروح المدينة اليوم عشان مسلسل وطبعا كلكم عارفين إني ممثلة أساااسا شوفت طبعا أنها فرصة كويسة وصحيت الساعة 10 صباحا شربت القهوة وقولت يلا بينا بقي نمثل شوية وأنا في الطريق أطلب مني كارت شحن ب 400 جنيه أو تحويل على رقم لأنه بيصور ومعندوش رصيد في الأول استغربت جدا بس قولت أنا أصلا شكاكة وبعدين دة في المدينة مش شركة إنتاج مجهولة ولا حاجة بس طبعا كرومبو اللي جوايا رفض الفكرة ومش اشتريت ووصلت للمدينة مدخل 2 وسالت الأمن في مخرج جوة اسمة محمد الشال لأن طبعا كان مفيش تصريح دخول ليا وطبعا بتاع الأمن قالي لاه يا فندم دة نصااااب فيه 4 عربياااات وأقفه مستنية وفِي وسط الاتصالات الرهيبة بتاعته اللي كنت مطنشاها مش برد عشان عايز كروت الشحن فتحت وقولتلوا أنا عند مدخل 2 فين التصريح قالي أنا هطلعلك ولما اديتو بتاع الأمن قفل السكة".
وأضافت، "الخلاصة في القصة دي إيه بقى أن الوسط بتاعنا بقي فيه نصب كتير أوي ومحاولة استغلال الفنانين من ناس مرضى نفسي يفهموا أن احنا بنروح نعمل مقابلات عشان دة شغلنا مش عشان حد يشتغلوا وياريت كل الفنانات الجداد ياخدوا بالهم كويس أوي لأن شوفت 2 عربية ستات وكمان رجاله عادي جدا والميزة الوحيدة اللي عملها فيا إني صحيت بدري وشوفت شمس عملت تان طبيعي".