بالصور| كسر حوض وركبة طالب بمدرسة خاصة.. والمدرسين: «ده بيدلع»

تداول عدد من مستخدمي موقع التواصل الاجتماعي فيسبوك، اليوم الأحد، صوراً لطفل لديه كسر في "الحوض" و"الركبة" نتيجة إهمال مدرسين بمدرسة "الصفوة" الخاصة للغات.
وعلّقت إحدى الشاهدات على الواقعة قائلة: "دا الطفل اياد علاء أحمد الوكيل.. عمل عمليه ف الحوض والركبة ٢٠١٦/١٠/١٦ الأحد ربنا يشفيه يارب ويصبر والدته إياد كان ف البريك الساعه ١٠:٣٠ وكان بيلعب ف الجاردن اللى المفروض فيه مشرفين على الولاد دول وكان بيلعب على لعبه التسلق وقع من فوق منها اتكسر وكان صوته جايب اخر المدرسه من كتر الصوات وبيقول الحقونى".
وأضافت: "وكان فى اتنين مدرسات واقفين تايهين بعيد عن الولاد ومش حاسين وللقدر انى كنت هناك و سمعت صوت ولد بيستغيث وكان معايا ولادى التلاته جريت أدور ف الجاردن يمين شمال لقيت الولد مرمى جنب اللعبه بيموت من الوجع ونايم على جنبه وتانى ركبته الشمال وبيقولى الحقينى يطنط انا اتقطمت عايز مامى وطبعا انا جاتلى حاله فجع ورعب لانى خايفه اشيل الولد يحصله مضاعفات قولتله ياحبيبى انت كويس مفيش حاجه متخفش بس انا مقدرش اشيلك استنى اجيب دكتور المدرسه هو يعرف يشيلك صح طبعا انادى محدش معبرنى من المدرسات جريت للميس اسمها رانيا مدرسه فرنساوى قالتلى باللفظ سيبك منه دا بيدلع".
تابعت قائلة: "فضلت أتحايل عليها تجيب دكتور المدرسه وتنادى اى حد معبرتنيش المهم جريت ع الولد تانى عشان اطمنه وخايفه من الولاد يشدوه او حاجه لما ملقتش فايده من الميس دى جريت على مديره الkg لقيتها ماشيه ف الممر اللى فى الجاردن وطبعا مكنتش حاسه بالمشكلة قولتلها ياميس الحقى الولد إياد لقيتها مش مستوعبه شدتها من أيديها عشان اوديها للولد الفون بتاعها وقع زعلت اوى ووقفت روحت اعتذارتلها عشان تيجى معايا تلحق الولد وتنسى الفون لقيت المدرسه اللى اسمها رانيا قالتلى دا بيدلع للمره التانيه وشدت الولد من إيديه وبتقوله قوم بطل دلع قولتلها اوعى تمسكى الولد كدا تانى قالتلى هو ابنك قولتلها لا بس انا عندى تلاته ف المدرسه ودا زى ابنى مع انى معرفش الولد قالتلى دا بحسبك امه ولما انتى مش امه مالك انتى بيه أشده اشيله انتى مالك قولتلها حرام عليكى انتى مدرسه انتى جابوكى منين حرام عليكى انتى جايه تضيعى عيالنا تأذيهم طبعا حلفت لو مسكت الولد وشدته تانى هوديها ف داهيه وبقيت اجرى ف نص المدرسه وأنادى دكتور انا عايزه دكتور هو فى مدرسه مفيهاش دكتور الحقوا الولد حرام عليكم نزل مدرس شال الولد قولت دا عايز مستشفى يجماعه قالو لا الدكتور فوق وهو هيصرف طبعا طلعت مع الولد لقيتهم خدونى من نص الطريق يعنى مشوفتش دكتور ودا كان قصدهم".
واستكملت: "وقالولى ميس هاله عايزه تسمع منك عشان تعاقب المدرسه قولت حاضر. لقيت نفسى داخله على ميس هاله اللى عمرى مشوفتها ولا اعرفها لانها اداره جديده السنه دى ولقيت نفسى ادام ناس همها الوحيد انى مزعقش وأنادى ف الجنينه استغيث بدكتور للولد وكمان قالو ان الولد سليم وهو بيدلع ومكنش له داعى كل اللى انا عملته رديت انا وانا لسه ف الصدمة بتاعه الولد قلتلها يارب يكون بيدلع عشان ارتاح ومش مهم اى حاجه ومشيت وسبتها سالت ع الولد قالو دا كويس وبيجرى مع أصحابه تانى قولت الحمد لله يارب طبعا رجعت اخدت ولادى اللى كنت معرفش هما راحو فين ومحدش حتى اخدهم داخلهم ع الكلاس بتاعهم لان هما لسه ف الkg والكبيرة أولى ابتداءى يعنى المفروض كان الإشراف يدخلهم فصولهم".
واستطردت: "المهم أخذتهم من الألعاب اللى لسه متكسر منها إياد ودخلت غرفه الملابس استلم لقيت ميس داخلالى بتقولى ميس هاله المديرهً عايزه تقابلك حالا قولتلها لما اخلص ولادى وأدخلهم فصولهم عشان مينفعش اسيبهم قالتلى لا حالا حالا سبت ولادى للدادات واترجتهم يدخلوهم ع الكلاس وطلعت لميس هاله لقيت صدمه قاعده هى ومستر اسمه هناءى الناءب بتاعها وميس نهى مديره الكيجى وميس هاله طبعا وميس دعاء علاقات عامه قالولى اقعدى تمام لقيت ميس هاله بتكلمنى بطريقه مستفزه وبصوت عالى جدا وبتقولى هو كل يوم واحده تيجى تشتكى من حاجه انا اللى يدخل المدرسه يحترم المدرسه واللى فيها رديت انا قلتلها انا مش فاهمه انتى بتكلمينى كدا ليه قالتلى عشان هو مش ابنك وكمان طلع بيدلع وعشان انتى بتقولى انك هتكلمى ام الولد قلتلها اه انا هكلم ام الولد هحكلها على ابنها ودا ميزعلش المدرسه ف حاجه حتى لو الولد سليم قالتلى لا انا كلمت ام اياد وهى معندهاش مشكله خالص قلتلها تمام بس انا هكلمها افهمها اللى انا شوفته عشان تاخد حق ابنها وهى حره قالتلى طب اتفضلى بره ومش عايزه ولادك عندى ف المدرسه ".
وقالت: " قولتلها وانا كمان مش هخليهم هنا لان مفيش أمان قالتلى ع العموم انا عرفت بنتك قولتلها مش فاهمه يعنى ايه عايزه تعاقبيها يعنى ولا ايه قولتلها لا انا مش ماشيه غير وولادى معايا حالا قالتلى حتى المدرسه مش عايزاهم قولتها دا جزاءى انى لقيت طفل مرمى ف مدرستك بيموت ونزلت لقيت مستر هناءى نازل ورايا بيقولى اتفضلى قولتله انا مستنيه ولادى بس ممكن اعرف اسم حضرتك ايه.. قالى ميخصكيش أسمى قولتله عشان خايف راح مشى وسابنى وقالى اى حد بيعمل شوشره ف سمعه الاداره والمدرسة احنا مش عايزنها".
"