هاشتاج «لو مليونير هتعمل إيه» يتصدر تويتر.. مريم: هعيش حياتي مع الناس الفقراء.. عامر: أهم حاجة اللي بيحبوك يبقوا مبسوطين.. أحمد: هفتح مشروع كبير وهخسر فيه كل فلوسي

أطلق مستخدمو موقع التواصل الاجتماعي «تويتر»، هاشتاجًا جديدًا يحمل اسم «لو مليونير هتعمل إيه»، تصدر قائمة الموضوعات الأكثر تداولًا عبر الموقع.
ومن خلال الهاشتاج، أكد رواد تويتر، أنهم سينفقون كل أموالهم في أعمال الخير ومساعدة الفقراء، فيما تناول البعض الموضوع بنوع من الكوميديا والسخرية.
مساعدة الفقراء
وقالت نهال: «هعمل مشروع كبير واشغل فيه الناس المحتاجة وهوصل مياه لناس اللي بتشرب مياه وسخة حاجات هعمل حاجات كتير للناس المحتاجة»، فيما غردت مريم: «هعيش حياتي مع الناس الفقراء.. لأنهم أطيب وأجدع ناس».
وغرد بيدو: «هعمل حجات كتير أوي أهم حاجة نحس بالفقراء هعمل جمعيات خيرية كتير أوي مش أهم حاجة أنا أهم حاجة الغلابة والمستحقين بقى»، وعلق عامر: «أهم حاجة أن الناس اللي حواليك اللي بيحبوك يبقوا مبسوطين ومرتاحين ومش ناقصهم حاجة.. والله دي بالدنيا ومافيها».
تحقيق الأحلام
وقالت نور: «هجيب عربية لناس بحبها وهجيب فيلا بحمام سباحة كبير ومكتبة مليانة كتب وجيم صغير وبعدين أسافر أماكن نفسي أروحها بس»، وعلقت إيناس: «أول حاجه هعملها هشتري يخت فاخر وأعيش في البحر وانسى العالم البري».
كوميديا
وقال أحمد: «هفتح مشروع كبير وهخسر فيه كل فلوسي أنا عارف نفسي فقري»، وعلقت مريم: «هروح أجيب كلية جديدة وامتحن نفسي امتحانات سهلة وانجحني».
وغرد محمد: «هشتري كوكب المريخ بتاع عب سلام»، فيما قالت نور: «الصراحي لو قالو ليا إنتي بقيتى معاكى فلوس هيجلي جلطة»، وعلقت توتا: «هفكر إزاي اخسر فلوسي وارجع اكونهم تاني من أول وجديد عشان يبقي فيه suspense»