بالفيديو.. حبيبة مقدمة نفسنة «أزمتي مع مقدمات البرنامج اختلاف ثقافات»

استضافت الإعلامية منى الشاذلى في حلقة الليلة من برنامج "معكم" الإعلامية حبيبة بسيونى مقدمة برنامج نفسنة، وتحدثت عن تجربتها في البرنامج وأسباب انسحابها منه.
حبيبة ذكرت أن تجربتها في البرنامج من الخطوات الصحيحة في حياتها، ولكنها لم تحب سوء التفاهم وماحدث بينها وبين زميلاتها في البرنامج، قائلة "اللى محبيتهوش أنه كان بيحصل سوء تفاهم ويمكن ده علشان ثقافتى مختلفة فكنت بتفهم غلط".
وأوضحت أنها شعرت بفرق كبير في الثقافة وطريقة التفكير والتعامل بينها وبين مقدمات البرنامج، وتابعت "يمكن ده كان الجزء الأمريكانى اللى فيه والمختلف إني دغرى قوى في كلامي وطريقتى وده كان بيخلق حساسية من غير ما أحس ودى الحاجات اللى كانت بتتفهم غلط".
وبسؤالها حول ما إذا كانت تتعالى على زميلاتها، قالت "كلنا عندنا حاجات وحشة وحلوة في شخصياتنا وأنا كده ولما بقول إنى مختلفة مش قصدى تعالى عليهم، أنا يمكن كنت بقول حاجات وفى بالى عايزة أفهمهم حاجات وهما بيفهموا غلط، والغلط عندى لأنى بكده يمكن معرفتش أعبر عن اللى عايزه أقوله ومعرفتش أتقرب منهم علشان يفهمونى".
وأضافت: "حاولت وعمر الموضوع ماكان شخصى وفى الأول وفى الآخر ده شغل ومبسوطة انى اشتغلت معاهم واتعلمت منهم كتير وعارفه أنه ناس كتير نفسها أن الموضوع يبان فيه خلافات ومشكلة ومعارك وخناقات وده مش حقيقى".