ياما فى الحبس نخانيخ!

علي رأي المثل «يا ما في الحبس نخانيخ», هكذا علق شباب فيس بوك علي قضية صبرى نخنوخ الذي اختلفت الروايات حوله, فعدد من الروايات وخاصة لجيرانه تؤكد انه رجل بر وإحسان وروايات الشرطة تشير إلي انه من اخطر البلطجية في مصر وهو ما جعل قضيته مسار سخرية شباب فيس بوك حيث اختلقوا روايات علي ألسنة بعض المشاهير مثل «ميسي» و«اوباما» تخص القضية فماذا قالوا..
محمد إمام : لاعب الكرة «ميسي»: المعلم صبري وقف معايا كتير لغاية ما روحت برشلونة
أبو عمر: أوباما: المعلم صبرى نخنوخ ساعدنى لحد ما بقيت رئيس أمريكا !
مختار العبودى: أنباء مؤكدة عن أن المعلم صبري نخنوخ صاحب الفضل في تأميم قناة السويس حيث أشار علي الرئيس الراحل جمال عبد الناصر بتأميم القناة قائلا : أمم قناة السويس يا جمال ومتخافش أنا وراك!
يوسف مرتضى: وعلي رأي المثل «ياما في الحبس نخانيخ»!
بعد تداول الشباب لصورة نخنوخ أمام بحر الإسكندرية علقت ولاء عبد الغفور: البحر وهو متصور مع نخنوخ يؤكد انه كان مجرد ترعة والمعلم نخنوخ شجعه وفتحاله بحر
سهى البيسي : نخنوخ كان بيوقف حفلاته أثناء الآذان .. و في العيد بيدبح شوية عجول .. والواد اللي هناك ده عامل عملية في رجليه نخنوخ هو اللي عاملها له رغم إن الواد اللي هناك ده مسلم ونخنوخ مسيحى تحيا الوحدة الوطنية!
أحمد الصباغ : تصريحات أهل وجيران صبرى نخنوخ تؤكد انه جدع وليس بلطجى و هذا أهم ما قاله أنصاره .. حمبوللى الكوراعى: نخنوخ جدع وساحب ساحبه .. مغاورى الكوحّل: نخنوخ لم يكن يوماً عدوانى واللى يقول كدة نخنوخ هيطلع عين أهله .. حمادة زوغروف: نخنوخ مش بلطجى وكان بيساعد أهل حتته لما حد فيهم بيتمسك .. سيد شلاطة : نخنوخ اكتر واحد وقف جنب أهل حتته فى الخناقات نخنوخ مش بلطجى يا عالم .. إبراهيم دقماق : الإخوان عايزين يشوهوا صورة نخنوخ مستغلين إنهم لاقوا عنده أسلحة مش مرخصة ومخدرات .. إنما كلنا عارفين إن نخنوع برئ.