تراشق بين جماهير قطبي الكرة المصرية قبل لقاء القمة.. محب: «باسم هيضيع».. وأحمد يرد: «المتعب هيخلص».. منار: اعملوها يا ملوك ادفنوا الأهلي.. مؤمن: أدي له القاضية.. ومصطفى: الليلة بيضاء

شهدت مواقع التواصل الاجتماعي خصوصًا «فيس بوك وتويتر»، حالة من الاشتباك والتراشق بين جماهير قطبي الكرة المصرية الأهلي والزمالك، قبل ساعات قليلة من بدء مباراة القمة بين الفريقين، حيث دشن جمهور الزمالك هاشتاجًا بعنوان «ادفنوا الأهلي»، ما دفع جمهور الأحمر للرد عليهم بهاشتاج ضد الزمالك، وقد احتل الهاشتاجان مركزًا متقدمًا على تراند مصر بتويتر.
أهلاوية
قالت منار زمالك:«اللي حبك يا زمالك معذور وعذره معاه، أصل كل إنسان تإه فيك لقاك حياة.. اعملوها يا ملوك.. الحمد لله الذي عافاني ولم يخلقني أهلاويةَ.. ادفنوا الأهلي»، ورد الخيامي بقوله: «أنا ممكن أموت من الفرحة لو لعبت وجبت هدف إنهاردة يا متعب».
ضربة جزاء
حرص محب على التعليق بقوله: «حلمت باسم ضيع ضربة جزاء في أول الماتش.. بس خلص 2: 1 للزمالك.. ادفنوا الأهلي»، ورد أحمد خليل بقوله: «المتعب هيخلص، يارب ياعالي انصر الأهلي الغالي».
وهاجم هادي الأهلي قائلًا: «ادفنوا الأهلي.. وساعتها بتبقى الدنيا من الفرحة مش سيعاني.. انا مش برئ لووو كاان حبك هو اتهامي.. واسمع كلامي أنا جمب النادي ده وعمري ماهمني أسامي»، ورد مؤمن طاهر قائلًا:«يلا أدي له القاضية.. دقوا الفرقة الفاضية».
وأضاف مصطفى الجمل:«ادفنوا الأهلي.. الليلة ليلتك يا معلم»، وعلق ميدو ميدو العمري بقوله: «نفسي اعرف ايه وجه المقارنة بين بطولات الأهلي والزمالك ده ماجوش نص بطولاتنا ويقولك القطب التاني للكرة المصرية.. دقوا الزمالك».
الدوري يا أهلي
ورد خالد ديدو الكادح:«الناس ال (الخليل كوميدي) اللي مش بتفتكر أوجاع الأمة غير يوم ماتش الكورة اجهزوا النهاردة عندكم طلعة.. ادفنوا الأهلي»، وتابع محمد طارق:«الليلة الليلة وكل ليلة، فرحنا بالنصر يا الله.. دقوا الزمالك.. الدوري يا أهلي».
الزمالك يكسب
وكتبت لوكا أشرف:«آخر قمة في بتروسبورت كسبتك آخر قمة في برج العرب تفوقت عليك آخر قمة في السويس متعادل معايا بالعافية.. حرك شفيفك علشان مش شايفك.. ادفنوا الأهلي»، وأضاف أحمد خالد سعد:«تشجيعنا للأهلي حكاية ومش مفهومة شفرة لعقول محرومة من نبع الوفاء انصرنا الليلة ياربي».
أحلى هدية
ودعا محمد نايت الله لنصرة الزمالك، قائلًا: «يارب الزمالك يكسب انهاردة وتكون دي أحلى حاجه نختم بيها 2016»، وورد أحمد عرفة بقوله: «استرها معانا يارب عاوزين نذاكر بمزاج احنا داخلين على أيام سودة.. الأهلي سيدهم».